Yanvarın 12-dən quş qripi xəstəliyinə görə ölkə ərazisində başlanmış cari ilin ilk monitorinqi zamanı seçmə üsulla ovlanaraq götürülən 33 baş çöl quşunun, 3 baş ev quşunun patoloji materialı, həmçinin ölkəmizin ayrı-ayrı quşçuluq və həyatyanı təsərrüfatlardan gətirilən 1982 baş ev quşunun qan nümunələri Respublika Baytarlıq Laboratoriyasında müvafiq müayinələrdən keçirilmişdir. Bununla əlaqədar olaraq Kənd Təsərrüfatı Nazirliyi yanında Dövlət Baytarlıq Xidməti bildirir ki, müayinə edilmiş nümunələrin heç birində quş qripi xəstəliyinin törədicisi müəyyən edilməmişdir.
Bu nəzarəti tədbir köçəri quşların müvəqqəti məskunlaşdığı Abşeron yarımadası, Dəvəçi, Salyan, Ağcabədi və Lənkəran rayonlarındakı milli park və qoruqlarda, eləcə də respublikanın dənizsahili zonalarında həyata keçirilmişdir. Monitorinqin aparıldığı ərazilərdə nə xəstə, nə də xəstəlikdən tələf olan quşlara rast gəlinməmişdir.

BMT-nin Uşaq Təşkilatı UNİCEF dünən 2009-cu il üçün dünya uşaqlarının vəziyyəti üzrə illik hesabatını açıqlayıb. Hesabata görə, 2007-cı ildə beş yaşına qədər uşaqlar arasında ölümün ən çox yayıldığı ölkələr sırasında Azərbaycan da var. Ölkə hər min körpədən 39-nun ölümü ilə 77-cı yerdədir, yəni Cənubi Qafqaz ölkələri rasında 1-ci yeri tutur. Bu hesabatda Ermənistanla Gürcüstan daha yaxşı yerdədirlər – biri 99-cu, digəri 88-ci yerləri paylaşır. MDB ölkələrindən uşaq ölümünə görə Azərbaycanı qabaqlayan isə Türkmənistan, Özbəkistan və Tacikistandır.

Azərbaycanda doğulan 1000 uşaqdan 34-ü isə 1 yaşına çatmamış ölür. bu baxımdan da qonşu gürcüstan və ermənistanda vəziyyət daha yaxşıdır. gürcüstanda hər min uşaqdan 27-si, Ermənistanda 22-si 1 yaşını qeyd etmədən ölür.

Cənubi qafqaz ölkələri arasında daha fərqli rəqəm isə 2004-cü doğulan kimi ölən uşaqlarla bağlıdır. Hesabatda göstərilir ki, Azərbaycanda doğulan kimi ölən körpələr 1000 nəfərdən 35-i olduğu halda, ermənistanda bu rəqəm 18, gürcüstanda isə 20-dir.

Azərbaycan Səhiyyə Nazirliyi yaxın vaxtlarda xroniki böyrək çatışmazlığından əziyyət çəkən xəstələr üçün Sumqayıt, Şamaxı, Bərdə, Tovuz, Quba və Cəlilabad şəhərlərində hemodializ mərkəzləri açacaq. Nazirlikdən verilən məlumata görə, artıq Naxçıvan, Gəncə, Siyəzən, Şirvan, Lənkəran, Qazax, Zaqatala və Qəbələ şəhərlərində belə mərkəzlər istifadəyə verilib. Hazırda respublikada fəaliyyət göstərən 16 dializ mərkəzində xroniki böyrək çatışmazlığından əziyyət çəkən 1200-ə yaxın xəstə üçün dövlət hesabına hemodializ seansları aparılır və xəstələr müvafiq dərman vasitələri ilə tam təmin olunur. Nazirlikdən bildirilib ki, yaxın vaxtlarda respublika prezidentinin sərəncamı əsasında Respublika Klinik Uroloji Xəstəxanasında yaradılan Böyrəkköçürmə Mərkəzi fəaliyyətə başlayacaq. Bununla yanaşı, gələn il yanvar ayı ərzində həm də Bakıdakı “Azərsutikinti” xəstəxanasında respublikanın ən iri hemodializ mərkəzinin açılışı nəzərdə tutulur. Bu mərkəzdə gün ərzində təqribən 35 xəstənin hemodializ edilməsi gözlənilir.

Bu barədə idarənin rəisi Mehman Rzayev məlumat verib. Onun sözlərinə görə, 20 gün davam edəcək treninqlərə ayrı-ayır bölgələrin mama-ginekoloqları və neonotoloqlar dəvət olunublar. Rzayev əlavə edib ki, 19-21 noyabr və 27-28 noyabr tarixlərində “Yenidoğulmuşların reanimasiyası”, 1-6 dekabr tarixlərində isə “Yenidoğulmuşlara səmərəli qulluq” mövzularında təşkil olunacaq seminarlarda Gəncə ilə yanaşı, Mingəçevir, Şəki, İsmayıllı, Qax, Qəbələ, Daşkəsən, Samux, Şəmkir, Göygöl, Ağdaş, Ağstafa, Tovuz, Qazax, Gədəbəy rayon xəstəxanalarının həkimlərinin də iştirakı nəzərdə tutulur.
Treninqləri UNİSEF-in təlimçiləri aparacaqlar.
Noyabrın 19-dən etibarən Gəncə şəhər Səhiyyə İdarəsinin Təlim-resurs mərkəzində UNİSEF-in dəstəyi ilə seminar-treninqlər təşkil olunacaq.

Dünya Bankının dəstəyi ilə “Səhiyyə sektorunda islahatlar” adlı yeni normativlər hazırlanıb.
Bu gün Səhiyyə Nazirliyi aparatının kollegiya iclası keçirilib. Tədbirdə səhiyyə sistemindəki problemlər və bu sahədə aparılmalı olan islahatlar müzakirə olunub. İclası giriş sözü ilə səhiyyə naziri Oqtay Şirəliyev açıb.

Nazir çıxışında bildirib ki, sovet hökumətinin dağılmasına baxmayaraq, səhiyyə sistemində bəzi köhnə normativlər hələ də qalmaqdadır: “Ancaq indi köhnə normativlərlə işləmək məqsədəuyğun sayılmır. Ona görə də Dünya Bankının dəstəyi və bir sıra xarici ölkələrin mütəxəssislərinin yardımı ilə yeni normativ sənədlər hazırlanıb”.

Nazirliyinin kadrlar, elm və təhsil şöbəsinin müdir müavini Rauf Ağayev isə həkim ixtisasları və vəzifələrin nomenklaturası barədə danışıb. O, Azərbaycan səhiyyəsinin dünya standartlarına uyğun inkişaf etdirməyin, bu sahədə dünyanın qabaqcıl ölkələrinin təcrübəsinə inteqrasiya olunmağın əsas vəzifəyə çevrildiyini deyib: “Bu baxımdan çox vacib və mühüm məsələlərdən biri həkim ixtisaslarını Avropanın və Amerikanın inkişaf etmiş ölkələrində qəbul olunmuş reyestrə maksimal uyğunlaşdırmaq, yaxın gələcəkdə qəbul ediləcək Təhsil Proqramına müvafiq formada qurmaqdır. Bununla bağlı Səhiyyə Nazirliyi Dünya Bankının səhiyyədə islahatlar layihəsi ilə bağlı sənədlər hazırlayıb”.