Artıq Azərbaycanda xərçəng xəstəliyindən əziyyət çəkənlərin xarici ölkələrə üz tutmasına çox da ehtiyac qalmayacaq. Çünki şəhərimizdə gənc həkimlər üçün yaradılan fürsət və xarici ölkədə keçəcəkləri təcrübə bu xəstəlikdən daha çox informasiya əldə etmək üçün imkan yaradacaq.

Bu gündən etibarən başlayan “Elmi-tibbi tədqiqatların müasir əsasları və istiqamətləri” adlı layihə də məhz bu məqsədi daşıyır. Gənc həkim və tələbələr bu fürsətdən yararlana bilərlər. 6 ay davam edəcək layihənin əsas məqsədi müasir elmi-tibbi tədqiqatların aparılması sahəsində mövcud olan müasir standart və biliklərin Azərbaycana gətirilməsidir. Layihənin sonunda qalib gələn şəxs Almaniyanın aparıcı elmi mərkəzlərindən birinə elmi ezamiyyətə göndəriləcək.

Səhiyyə Nazirliyi bir sıra tibb müəssisələrinin rəhbər vəzifəli işçiləri barəsində cəza tədbirləri görüb.

Səhiyyə Nazirliyində 31.01.2011-ci il tarixində keçirilmiş geniş kollegiya iclasının nəticələri olaraq əhaliyə göstərilən tibbi yardımın təşkilində yol verilən ciddi nöqsanlara görə Azərbaycan Respublikası Səhiyyə Nazirliyi tərəfindən xəstəxana, doğum evi, gigiyena və epidemiologiya mərkəzlərinin 21 nəfər rəhbər və struktur bölmə rəhbərləri tutduğu vəzifədən azad olunub, 54 nəfər məsul işçi barədə isə intizam tənbehi tətbiq edilmişdir.

Tibb xidmətinin və dövlət sanitariya nəzarətinin təkmilləşdirilməsi sahəsində Səhiyyə Nazirliyinin struktur bölmələrinin rəhbərlərinə müvafiq tapşırıqlar verilmişdir.

İlkin məlumatlara əsasən, 2011-ci ilin əvvəlinə ölkədə 33 min həkim və 63,5 min orta tibb işçisi çalışan 760 xəstəxana və 1.694 ambulatoriya-poliklinika müəssisəsi fəaliyyət göstərir. Əhalinin hər 10 min nəfərinə 37 həkim və 71 orta tibb işçisi düşür. Bunu, AzərTAc-a Dövlət Statistika Komitəsinin sədri Arif Vəliyev bildirmişdir.
Komitə sədri onu da əlavə etmişdir ki, ölkə idmançıları 2010-cu ili uğurla başa vurmuşlar. Müxtəlif beynəlxalq yarışlardan qazanılmış 675 medalın 206-sı Olimpiya idman növləri üzrə olan medallardır. Gənc idmançılarımız Yeniyetmələrin Birinci Yay Olimpiya Oyunlarında böyük uğurla çıxış etmiş və 204 ölkə arasında 11-ci yeri tutmuşlar.

Passiv siqaretçəkmə ilə bağlı dünya boyunca keçirilən ilk araşdırma işi göstərib ki, hər il 600 000 adam bu səbəbdən vəfat edir.

Ölənlərin üçdə biri uşaqdır. Dünya Səhiyyə Təşkilatına əsasən bu uşaqlar adətən evdə siqaret tüstüsünü iynəyərək yaşamalı olublar.

192 ölkədə keçiriləm tədqiqat işi göstərib ki, passiv siqaretçəkmə xüsusi olaraq uşaqlara ziyandır. Deyilənə görə, bunun nəticəsi olaraq uşaqlar arasında ani ölüm sindromu, sətəlcəm və astma halları yüksəkdir.

Ağcabədidə 30 nəfər xiyar turşusundan zəhərlənib.
Azərbaycanın Ağcabədi rayonunda iki nəfərin ölümü ilə nəticələnən kütləvi zəhərlənmə baş verib. Rayonun Taynaq kəndində ev şəraitində konservləşdirilmiş xiyar turşusundan 30-dan çox adam zəhərlənib. Nəticədə Ağcəbədi rayon xəstəxanasına yerləşdirilən xəstələrdən biri - 57 yaşlı Ofeliya Mehdiyeva dünyasını dəyişib. Xəstəxanaya müraciət edənlərdən 8-nin vəziyyəti ağır olduğu üçün onlar təcili olaraq Bakıya, Kliniki Tibbi Mərkəzə çatdırılıb. Həkimlərin müdaxiləsinə baxmayaraq, 60 yaşlı Füzuli Məmmədov xəstəxanada dünyasını dəyişib.

BMT baş Assambleyasında minilliyin əsas problemləri sırasında AİDS-in də adı var. Azərbaycan XİN-in rəhbəri Elmar Məmmədyarov BMT Minilliyin İnkişaf Məqsədləri Yüksək Səviyyəli Plenar görüşündə çıxış edərkən ölkənin bu sahədə uğurlar qazandığını bildirib.
Bu uğurların nədən ibarət olduğunu öyrənmək üçün Azərbaycan Səhiyyə nazirliyinin AİDS-lə mübarizə mərkəzinin direktoru Həqiqət Qədirovaya müraciət etmişik.

Onun sözlərinə görə, son 3 ildə Azərbaycanda AİDS-ə yoluxanların sayı dəyişmir. Hər il 450 nəfər yeni AİDS-ə yoluxan adam qeydə alınır.

Sentyabrın 22-dən 24-dək Bakıda “İteca Caspian” şirkətinin təşkilatçılığı ilə XVI Azərbaycan Beynəlxalq Səhiyyə sərgisi keçiriləcək. “İteca Caspian”dan verilən məlumata görə, sərgidə dünyanın 15 ölkəsindən, o cümlədən Azərbaycan, Türkiyə, Almaniya, Rusiya, Ukrayna, Kanada və İtaliyadan 100-dən çox şirkət iştirak edəcək. Sərgidə yerli və xarici iştirakçı şirkətlər ən yeni tibb və laboratoriya avadanlıqları, proqram təminatı, tibbi mebel, sterilizə avadanlıqları və s. təqdim edəcəklər.

“BİHE” sərgisinin debütantları arasında Bavariyanın Milli Qrupu da var. Sözügedən stendin iştirakçıları tərəfindən müasir tibbi avadanlıqlar və texnika, ortopediya məhsulları, dezinfeksiya vasitələri və s. təqdim olunacaq.

Səhiyyə Nazirliyinin baş pediatrı isti hava və qida məhsullarından zəhərlənmələrlə bağlı valideynlərə xəbərdarlıq edib.
Son günlər ölkə ərazisində uşaqlar arasında mədə-bağırsaq xəstəliklərinin artımı müşahidə olunur. Bu haqda məlumat verən K.Fərəcova adına Elmi Tədqiqat Pediatriya İnstitutunun direktoru Nəsib Quliyev xəstəliyin çoxalmasının havaların həddindən artıq isti keçməsi ilə əlaqədar olduğunu bildirib.

Tibb işçilərinin peşə bayramı gününün təsis edilməsi haqqında Azərbaycan Respublikası Prezidentinin 4 iyun 2001-ci il sərancamına əsasən hər il iyunun 17-i Azərbaycan Respublikası tibb işçilərinin peşə bayramı günü kimi qeyd olunur.

Med.Az saytının kollektivi bütün səhiyyə işçilərini peşə bayramı - 17 İyun Tibb işçiləri günü münasibəti ilə səmimi qəlbdən təbrik edir, hamınıza cansağlığı, uzun ömür, işlərinizdə uğurlar arzu edir.

Azərbaycanda ana və uşaq ölümünün səviyyəsi azalmışdır. 2008-ci ildə ana ölümü 26,7 promille idisə, 2009-cu ildə bu rəqəm 24,3 təşkil edirdi.
Uşaq ölümü 2008-ci ildə 12 promille olmuşdur, ötən il 1 yaşadək uşaq ölümü isə 11,3 promilliyə enmişdir.
Bu barədə Səhiyyə Nazirliyinin tibbi xidmətin təşkili şöbəsinin müdir müavini Elmira Əliyeva məlumat vermişdir.
Vurğulamışdır ki, son dövrlər ölkədə aparılan ciddi islahatlar nəticəsində buna nail olunmuşdur.
Risk qrupuna aid hamilələr ölkədə təzə açılmış perinatal mərkəzlərə yerləşdirilir.

Bu gün bütün dünyada “Beynəlxalq Siqaretsiz Gün” kimi qeyd olunur.

Belə bir gündə siqaret çəkməyin zərərləri barədə bir daha müzakirələr aparılır.

İslamabad Universitetində bu günə həsr olunmuş xüsusi seminarın materiallarında deyiilir ki, siqaret tüstüsünün tərkibində 4 minədək zərərli komponent mövcuddur.

Ümumiyyyətlə isə xərçəng xəstəliyi hallarının 31-dən 45 faizə qədərinin siqaret çəkilməsi nəticəsində yarandığı düşünülür.

Bakıda Respublika QİÇS-lə Mübarizə Mərkəzində QİÇS-dən dünyasını dəyişmiş insanların ümumdünya xatirə günü keçirilib. Tədbirdə çıxış edən Respublika QİÇS-lə Mübarizə Mərkəzinin rəhbəri Həqiqət Qədirova qeyd edib ki, hər il may ayının üçüncü bazar günündə QİÇS-dən dünyasını dəyişmiş insanların ümumdünya xətirə günü qeyd olunur: «Xatirə günü ilk dəfə 1983-cü ildə San-Fransisko şəhərində QİÇS problemini şəxsən yaşayan və ondan ciddi narahat olan insanlar tərəfindən təsis olunub və keçirilib. O zaman QİÇS-dən ölənlərin sayı bir neçə min nəfər təşkil edib. Bu il ümumdünya xitirə günü artıq 27-ci dəfədir ki qeyd olunur və QİÇS-dən ölənlərin sayı artıq milyonlarla ölçülür».