Qadınların qarşılaşdığı problemlər yaş ötdükcə daha da artır. Bəzi xəstəliklər kişilərə nisbətən qadınlarda daha çox rast gəlinir.

Türkiyənin milliyet qəzetinin verdiyi məlumata görə, qadınlarda daha çox rast gəlinən xəstəliklərdən biri sümüklərin əhəngləşməsidir.

Yaş irəlilədikcə qadınların hərəkət etmək problemləri çoxalır. Bu da sümüklərin əhəngləşməsindən irəli gəlir. Sümüklərin əhəngləşməsi kimi tanınan xəstəliyin tibbi adı "osteoartrit"-dir.

Sən demə, oğlanlarla müqayisədə qızlar daha tez dil açır.

Türkiyədəki Manavgat Dövlət Xəstəxanasının baş həkimi Mehmet Qurunun dediyinə görə, qızlar 1, oğlanlar isə adətən 2 yaşlarında danışmağa başlayırlar.

Habertürk bildirir ki, dil açma müddəti ləngiyən uşaqların mütləq şəkildə həkim-mütəxəssisə göstərilməsinə ehtiyac var.

İngiltərə mətbuatının verdiyi məlumata görə, onlar artıq çəkidən əziyyət çəkən şəxslərə, xüsusilə xanımlara gülməyi məsləhət görürlər.

Sən demə, yaxşı əhval, incikliyin olmaması, ürəkdən gülmək arıqlamağa kömək edir. Araşdırma göstərib ki, gün ərzində 16-20 dəfə ürəkdən

gülən qadınlar artıq çəkidən daha asanlıqla qurtulurlar.

Rusiya mətbuatının verdiyi məlumata görə, sutkada 12 saatdan artıq büstqalterdə olmaq süd vəzinin xərçəngi riskini xeyli artırır.

Mütəxəssislər bildirirlər ki, bu, həmin qadının sinəsində bədxassəli şişin yaranması riskini 10% artırır.

"Büstqalter alarkən onun pambıq olmasına diqqət yetirmək lazımdır. Bu geyimi çıxartmadan yatmaq isə qətiyyən olmaz!" - deyə tədqiqat müəllifləri bildirirlər.

Ən möhkəm ailələr tanışlıqdan 2 il sonra qurulan ailələrdir.
Əcnəbi psixoloqlar bu qənaətə gəlib. Rusiya mətbuatının istinadən verdiyi məlumata görə, psixoloqlar ailə möhkəmliyinin asılı olduğu bir necə amili açıqlayıb.

Belə ki, tanışlığın ilk günlərindən intim münasibətləri cütlüklərin birlikləri uzunömürlü olmur.
Belə cütlüklər tez ayrılır. Bu halda iş nikaha kimi uzansa belə, onların tez pozulma riski yüksək olur.

Araşdırmalara görə, 3-4 ay tanış olan cütlüklərin 40 faizi evləndikdən sonra tələsdiklərini anlayır və boşanırlar.

Yeni araşdırma mobil telefonların istifadəsi ilə beyin xərçənginin yaranması arasında bilavasitə əlaqənin aşkar olunmadığını göstərir.

Son 20 il ərzində gündəmdə olan bu mövzu mobil rabitənin genişlənməsi ilə daha da aktuallaşır.
Bu sahədə sonuncu tədqiqat Danimarkadakı Xərçəng Epidemiologiya İnstitutu tərəfindən keçirilib.

Araşdırma son 18 il ərzində mobil telefon işlədən 350 min adamın tibbi məlumatlarına əsaslanır.

Məşhur "Matritsa" filmindəki fantastik ideyalar tədricən reallaşmaqdadır.
Belə ki, Fransanın Josef Furyer Universitetinin alimləri insan bədənindən elektrik cərəyanı almağın yolunu tapıb.

"Bioful sel" adlandırılan kiçik qurğu batareyaları əvəz edə biləcək qədər elektrik enerjisi verir. Qurğu iki elektroddan ibarətdir.
Onlardan biri insan bədənində olan qlükoza ehtiyatlarından elektrodlar hasil edir. İkinci elektrod isə həmin elektronları bədəndəki oksiqen molekullarına ötürür.

Hollandiyalı alimlər 115 yaşında vəfat etmiş qadının geninin şifrini açıblar və onda ağıl zəifliyi və digər ahıl xəstəliklərinin yaranmasından qoruyan nadir
genetik dəyişiklik aşkar ediblər. Bu barədə BBC xəbər verir.

Hələ elmi mətbuata təqdim olunmayan məlumatlar ABŞ-ın İnsan Genetikası Cəmiyyətinin (American Society of Human Genetics) illik görüşündə açıqlanıb.

Uzunömürlü qadının adı çəkilmir. O, "W115" kodu altında tanınır. Onun dünyaya gələrkən yarımçıq doğulduğu məlumdur.

"İndependent" bildirir ki, London Universitet Kollecində aparılmış tədqiqat zamanı bəzi insanların xəbərlərdəki mənfi məqamları ümumiyyətlə, qulaqardına vurduqları məlum olub.

İnsanların 70 faizi nikbindir: hətta bu şəxslər arasında çoxları nikbin olmadıqlarını desələr də, onlar gələcəyin daha yaxşı olacağını düşünürlər.

Alimlər 14 könüllünün cəlb olunduğu sınaq zamanı əvvəlcə onların nikbinlik səviyyəsi və beyinlərinin vəziyyətini araşdırıblar.

Böyük Britaniya Kral İnstitutunun keçmiş direktoru, baronessa Qrinfild bəyan edir ki, əgər insan monitor qarşısında həddindən artıq vaxt keçirirsə, onun beynində fizioloji səviyyədə dəyişiklik baş verir ki, bu da mütləq davranış və diqqətlə bağlı problemlərə gətirib çıxarır. Bu barədə "The Telegraph" qəzeti yazır.

Onun sözlərinə görə, oyunlar beyində müəyyən əsəb bağlarını fəaliyyətdən saxlayır. Axı, beyin ətraf mühitin dəyişikliklərinə uyğunlaşma qabiliyyətinə malikdir. Kompüter oyunları isə yeni mühitə nümunədir. Baronessa uşaqlara monitorlardan uzaqlaşmağı və küçəyə çıxıb "ayaqlarının altında otları hiss etməyi" məsləhət görür.

Gen müxtəlifliyi nə qədər qabarıqdırsa, uşaqların orqanizmi valideynlərinə nisbətən bir o qədər sürətlə inkişaf edir.

Valideynləri eyni şəhərdən olan uşaqların hündürboylu olmamaq ehtimalı böyükdür. Polşalı alimlər belə qənaətə gəliblər.

Onların fikrincə, əgər ata-ana ayrı-ayrı regionların sakinləridirsə, uşaqları boyca onları ötüb keçəcəklər.

Uşaq sahibi olan kişilərdə ürək xəstəliklərinə yaxalanma riski azdır.

Övladı olan kişilərin ürək xəstəliklərindən ölmək riski aşağıdır. ABŞ-da aparılan araşdırmanın nəticələri belə deməyə əsas verir. 138 min kişinin törəmə və ölüm səviyyəsi üzərində aparılan araşdırmada ata olan kişilərin olmayanlara nisbətən ürəklə bağlı xəstəliklərə yaxalanmaq riskinin daha aşağı olduğu üzə çıxıb.

Ölüm səviyyəsində fərq olmasa da, xəstəlik riski bu zaman 17 faiz azalmış olur.