Los Anclesdeki Kaliforniya Universitetində aparılan bir tədqiqat zamanı müntəzəm olaraq internetdən istifadə edən insanlarda beynin yaxşı inkişaf etdiyi müəyyən olunmuşdur. Təcrübədə müntəzəm internet istifadəçilərindən ibarət 55-76 yaş arası 24 nəfər iştirak etmişdir.
Təcrübədə iştirak edən internet istifadəçilərinin hər birinin beyninin gicgah, arxa və yan hissələrində yerləşən dil, oxuma, yaddaş və görmə mərkəzlərinin fəaliyyətlərinin inkişaf etdiyi müəyyən olunmuşdur.
Eyni zamanda mütəxəssislər bu inkişafın yalnız internetdə araşdırmalar aparan insanlarda baş verdiyini müəyyən etmişlər. Sadəcə internetdə qəzet oxuyan və ya oyun oynayanlarda bu inkişafın olmadığı ortaya çıxmışdır.

Dünya donuz qripi (H1N1) virusu ilə mübarizəni qurtarmamış Liviyadan şok bir xəbər gəldi. Liviya rəhbərliyinin yaydığı xəbərə görə Liviyada orta əsrlərdə 75 milyon insanın ölümünə səbəb olan bubonik vəba xəstəliyi yayılıb Med.Az-ın medicalnewstoday.com xəbər saytına istinadən verdiyi xəbərə görə 1347-1351-ci illərdə bu xəstəlikdən 75 milyondan çox insan məhv olub.

Artıq Ümumdünya Səhiyyə Təşkilatı xəbərin yayılması ilə hərəkətə keçib və Liviyada yoxlamalara başlayıb məlum olub ki, Liviyanın Tobruk şəhərində 18 nəfər xəstəliyə yoluxub 1 nəfər isə xəstəlikdən dünyasını dəyişib.

İngilis xəbər agentliklərinin verdiyi xəbərə görə İngiltərə vətəndaşı olan Paul Gibbs dostları ilə gəzintidə olarkən üç naməlum şəxs tərəfindən hücuma məruz qalıblar və Paul dava zamanı beyin travması almaqla yanaşı həmçinin sol qulağını da itirib.
Hücum zamanı qopan qulağı tez bir zamanda tapa bilməyiblər. Ancaq davadan 17 saat sonra tapılan qulaq gec tapıldığı üçün həmən dəqiqə yerinə tikilməyib və bəzi toxumaların bərpası üçün plastik cərrahlar tərəfindən Paulun qarnının iç tərəfinə tikilib.
Doktorlar bir müddət sonra qabırğadan götürülən qığırdaqlardan istifadə edərək qulağın yerinə tikilməsinin mümkün olduğunu söyləyirlər.

15 iyun dünya avtomobil qəzasında ölənlərin anma günündə Dünya Səhiyyə Təşkilatı (DST) maraqlı bir statistika hazırlayıb. Statistikaya görə hər il 1 milyon 270 min insan avtomobil qəzalarında dünyasını dəyişir. Maraqlıdır ki, bu rəqəmin az qala yarısı yol keçən piyadalar, motosiklet və velosiped sürücüləridir.
Həmçinin 170 ölkəni əhatə edən statistika göstərir ki, bu qəzaların 90% zəif inkişaf etmiş ölkələrin o cümlədən Afrika ölkələrinin payına düşür. Ən az qəza olan ölkələr isə İngiltərə, İsveç Hollandiya kimi inkişaf etmiş ölkələrdir.
Həmçinin daha maraqlı bir fakt isə maşınlarda təhlükəsizlik kəmərindən ən az istifadə edən ölkələr də həmçinin zəif inkişaf etmiş ölkələrdir və qəza zamanı ölüm səbəblərindən biri də heç şübhəsiz ki, bu amildir.

ABŞ-ın CNN media şirkəti dünyanın ən nadir, az rast gəlinən və bu günə kimi hələdə müalicəsi tapılmayan xəstəliklərinin adlarını açıqlayıb.
Siyahıda 10 xəstəliyin adı var. Onlar aşağıdakılardır:
1. Morgellons – Bu günə kimi 14 000 insanda rast gəlinən bu xəstəliyin yaranma səbəbinin parazitlər olduğu güman edilsədə müasir tibb hələdə onun müalicəsində acizdir. Xəstəlik zamanı insanın dərisindən qara, mavi və ya qırmızı liflər sallanır.
2. Progeria – Bu xəstəlik erkən yaşlanma xəstəliyi kimi də qəbul edilir. Genetik olan progeria xəstəliyinə məruz qalan insanlar adətən 12-13 yaşlarında ölürlər.
3. Su allergiyası – bu günə kimi yalnız 30 nəfərdə bu xəstəlik müəyyən olunub. Su allergiyası zamanı insan nə normal su içə bilir nə də normal yuyuna bilir və orqanizm sudakı ionlara qarşı çox həssas olur.

Kaliforniya Universitetində aparılan araşdırmalar zamanı məlum olmuşdur ki, nəqliyyat qəzaları zamanı insan həyatının təhlükəsizliyini təmin edən hava yastıqları insan həyatını qorumaqla yanaşı orqanizmə mənfi təsirləridə var.
Belə ki, hava yastığını içində mövcud olan və nartium turşusu adlanan maddə insan orqanizminə həddən artıq ziyandır.
Natrium turşusu qəza zamanı reaksiyaya girərək natrium hidroksidə çevrilir və qəza zamanı hava yastığı açılarkən ağ toz şəkilində ortalığa çıxan bu maddə insanın gözünə və dərisinə mənfi təsir göztərir.
Natrium hidroksid qəza baş verərkən insanın dərisində, qulaqlarında və gözlərində yanıqlara səbəb ola bilər.

İngiltərədə nəşr olunan “British Medical Journal” tibb jurnalı səsvermə yolu ilə 1840-cı ildən bu günə kimi insan sağlamlığı üçün ən faydalı olan 15 tibbi ixtiranı seçib.
On bir min həkim və elm adamının iştirak etdiyi sorğuda Unitaz və kanalizasiya sistemi 1795 səslə birinci oldu. Elm adamları kanalizasiya sisteminin insan sağlamlığında böyük rol oynadığı qənaətinə gələrək həmçinin sistemin yaradıcısı Edwin Chadwiki də son 150 ilin qəhramanı elan etdilər.
Məlumat üçün qeyd edək ki, sorğuda ikinci yeri 1642 səslə antibiotiklər, 3-cü yeri isə 574 səslə narkoz tutdu.

Yunan sözündən götürülən euthanasia yəni tibbdə bir insanın öz istəyi ilə digər biri tərəfindən həyatına son verilməsi Belçika və Hollandiyadan sonra digər bir Avropa ölkəsi olan Lüksemburqda da qanuniləşdirildi.
Beləliklə artıq Lüksemburqda həkimlər xəstənin öz istəyi ilə onun həyatına son verdiyi halda heç bir məsuliyyətə cəlb olunmayacaqlar.
Evtanaziya qanununa görə evtanaziya istəyən insan 18 yaşından kiçik olmamalıdır, evtanaziya qərarını verərkən onun psixoloji vəziyyəyi normal olmalıdır və bu istəyini bir neçə dəfə təkrarlaması lazımdır.

İngiltərənin paytaxtı Londonda yerləşən St.Thomas xəstəxanasında həkimlərin diqqətsizliyi bir qalmaqala səbəb oldu.
Xəstəxanada sonsuzluq problemi ilə əlaqədar müalicə olunan 3 qadının yumurtalığının öz ərlərinin yox digərlərinin həyat yoldaşlarının spermaları ilə mayalandırıldiğı ortaya çıxmışdı. Qalmaqalın ortaya çıxması ilə qadınların mülicəsinin təxirə salındığı və dölləndirmənin ləğv olunduğu bildirildi.
Xatırladaq ki, həmin xəstəxanada buna bənzər bir hadisənin 2007-ci ildə də baş verdiyi bildirilir.
Eyni zamanda qeyd edək ki, İngiltərədə hər il 37 000 ailə sonsuzluqla bağlı problemlərdən müalicə olunur.

ABŞ-da keçən həftə baş verən bir hadisə tibb aləmini qarışdırdı. Maşın qəzasına düşən 21 yaşlı gənc Zanck Dunalp xəstəxanaya çatdırıldı həkimlər iki gün komada qalan gəncın beyninin öldüyünə qərar verdilər. Ailəsinin razılığı ilə orqanlarının çıxarılaraq ehtiyacı olanlara köçürülməsi üçün tədbirlər görülməyə başladı. Lakin əməliyyat stolunda orqanları çıxarmağa çalışan həkimlər birdən dəhşətə gəldillər çünki öldüyü güman edilən Znack Dunalp gözlərini açaraq həkimin əlindən yapışmışdı.
Həkimlər dərhal xəstəni yenidən müayinə etməyə başlamışlar və xəstənin yaşama şansının olduğunu bildirdilər.

Avstriyada başından ağır yara almış 13 yaşlı yeniyetməni həyata qaytarmaq üçün həkim təmir zamanı istifadə edilən deşici alətdən istifadə edib.

Həkim yeniyetməni xilas etmək üçün cəmi bir neçə dəqiqəsinin olduğunu başa düşüb. Amma xəstənin başında deşik açmaq üçün ona lazım olan cərrah aləti həmin xəstəxanada yox imiş. Ona görə həkim xəstəxananın yerləşdiyi binanın təchizat otağından burğu götürərək oğlanın başında lazım olan deşiyi açıb.

Gündəlik həyatımızın ən önəmli bir parçasına çevrilən mobil telefonların həyatımızı nə qədər asanlaşdırdığı danılmaz bir faktdır, lakin ABŞ-ın Kaliforniya Universitetində aparılan araşdırmalar göstərmişdir ki, mobil telefonların xeyiri qədər ziyanı da mövcuddur.

Belə ki, əsasən kişilər mobil telefonlarını cinsiyyət orqanına yaxın bir bölgədə şalvarın ön cibində gəzdirməkləri kişilərdə spermanın azalması kimi bir problemə gətirib çıxarır. Araşdırmalar göstərmişdir ki, mobil telefonun yaydığı elektromaqnit dalğalar kişi cinsiyyət orqanında bəzi hüceyrə pozğunluqlarına səbəb olur. Bununla yanaşı telefonun ürək və beyin bölgələrinə yaxın olduğu zaman həmin nahiyələrə də asanlıqla ziyan verdiyi müəyyən olunmuşdur.