Havalar bürkülü, isti keçdiyi üçün hamilə qadınlar daha ehtiyatlı davranmalıdırlar. Daim sərin yerlərdə olmaları, dərinin quru qalmamasından ötrü sudan daha çox istifadə etmələri, gün ərzində tez-tez ilıq duş almaları, göbələk xəstəliyinə tutulmamaları üçün pambıq paltarlar geymələri məsləhət görülür.
Temperaturun yüksək olması həddindən artıq tərləməyə, halsızlığa, yorğunluğa, başgicəllənməyə, ürəkbulanmaya, qusmaya, hətta əsəbiliyə səbəb olur.

Hamilə qadınların gündə 8-10 stəkan su içməsi, təzə meyvə şirələri qəbul etməsi vacibdir.

Azyaşlı, eləcə də hələ yaşı tamam olmayan uşaqlar tapdıqları hər şeyi ağızlarına apardıqlarından zəhərlənmə təhlükəsi ilə üzləşirlər.

Uludağ Universitetinin professoru Dr. Nihat Sapan, 9 ay ilə 5 yaş arasındakı uşaqların daha çox dərmandan zəhərləndiklərini qeyd edir.

Evdəki kimyəvi təmizləyici maddələri, kosmetik məhsulları, rəngi ilə diqqəti cəlb edən dərmanları uşaqların əli çatan yerə qoymayın, onların yanında dərman içməyin.

Həmçinin spreyləri şkafda, qapağı bağlı şüşələrdə saxlayın. Uşaqlara qaranlıqda dərman verməyin. Təhlükəli maddələri limonad, kola, su şüşələrinə qoymayın.

Danimarkalı ana yumurtalıq transplantasiyasından sonra ikinci dəfə doğan ilk qadın olub.
Lukka və bacısı Aviaxa bu prosedurdan sonra doğulmuş cəmi doqquz uşaqlardan ikisidir.

Bu prosedur zamanı yumurtalıq toxumaları çıxarılır, dondurulur və yeni orqanizmə köçürülür.

32 yaşlı Stinne Holm Berqholt xərçəng xəstəliyindən müalicə olunandan sonra sonsuz olmuşdu.
Maraqlı odur ki, ikinci uşağa Stinne təbii yolla hamilə qalmışdı.

21 ci əsrdə informasiya texnologiyalarının inkişaf etdiyi bir vaxtda demək olar ki, bütün idarələrdə kompüter var və az qala bütün işlər kompüter arxasında icra olunur. Hamilə qadınların da kompüter dalında işləməsi adi hala çevrilib. Ancaq hamilə qadının kompüterdə işləməsi çoxlarını narahat edir. Kompüterin hamiləyə, daha doğrusu dölə zərərli olub-olmadığını sübut edən dəlil yoxdur. Təhlükədən qorunmaq üçün bəzi qaydalara əməl etmək lazımdır.
Kompüter arxasında oturuşunuza diqqət edin. Oturacağınızı özünüzə uyğunlaşdırın. Arxanızı oturacağa söykəməlisiniz. Qarnınız böyüdükcə oturacağın arxasını geri çəkə bilərsiniz. Hər 15-20 dəqiqədən bir durub, gəzməlisiniz.

Türkiyənin Qaradəniz Texniki Universitetinin Farabi Xəstəxanasının diyetoloqu Uğur Bayramoğlu uşaq əmizdirən anaların pəhriz saxlamasının təhlükəli olduğuna diqqət çəkib.
Həkim hamiləlik zamanı qadının 9-12 kiloqram kökəlməsinin normal olduğunu deyib.

Uğur Bayramoğlunun sözlərinə görə, doğuşdan sonra analarda südün olması üçün lazım olan enerji məhz hamiləlikdə qazanılan çəki nəticəsində qarşılanır. Ona görə də hamiləlikdən sonra pəhriz saxlamaq uşaq əmizdirən analar üçün təhlükəli ola bilər:

Körpənizi mümkün qədər sakit və səssiz yerdə yatızdırın. Gecəyarısı yemək verdikdə, yaxud altını dəyişdirdikdə onu çox oyatmayın. Çalışın, gündüz çox yatmasın. Əgər körpəniz əmziklə yatırsa, yatandan sonra əmziyi ağzından çıxarın.

Amerikalı pediatrlar uşaqların kürəyi üsdə yatırılmasını tövsiyə edirlər. Çünki müşahidələrə görə, uşağın kürəyi üsdə yatmasının heç bir ziyanı yoxdur. Əgər uşağınız yatmırsa, o dəqiqə ona yuxu dərmanı verməyin. Bəzi dərmanlar gecə yuxuda körpənin diksinməsinə gətirib çıxarır və ya yuxu pozulmalarına səbəb olur.

Abortların sayının son vaxtlar sürətlə artması ilk növbədə qız uşağının dünyaya gəlməsini öyrənməyin nəticəsidi. Bu işdə məsuliyyət daşıyanlardan biri və birincisi də elə həkimlərdir. Bəzən bilərəkdən, bəzənsə nəticəni göz önünə gətirmədən uşağın cinsini valideyinlərə bəlli etməklə , dünyaya gəlməkdə olan dölün məhfinə yol açırlar.

Müqəddəs dinimiz İslamda da hamiləliyin dayandırılması məhz həyatın müqəddəsliyi və sarılmazlığı nöqteyi – nəzərindən qiymətləndirilir. Abort böyük günah və qətl hesab olunur. Özü də təkcə dini deyil, həm də insanı baxımdan. Bu, yalnız aborta gedən qadınlara deyil, həm də onları bu addımı atmağa məcbur edən insanlara da aiddir. Belə ki, İslamda yamanlığı törədənlərdən çox, bu hərəkətin özü pislənir. Bəzi həkimlər qadınların seçim hüququna hörmət etdikləri üçün abort etdiklərini deyirlər. Amma onlar da etiraf edirlər ki, bu, qadın psixikasına çox ciddi zərbə vurur. “Yeni med” Tibb Mərkəzinin ali dərəcəli ginekoloqu Arzu Məhərrəmova da razılaşır ki, bəzən həkimlər özləri də bu işdə məsuliyyət daşıyırlar. Bəzi ağ xalatlılar təqvim metodundan istifadə edərək, anaya hamiləliyin 4-5-ci həftəsində qız və ya oğlan dünyaya gətirəcəyini deyirlər.

ABŞ-da fəaliyyət göstərən New York Dövlət Universiteti əməkdaşları tərəfindən aparılan araşdırmalar zamanı həddən artıq televizora baxan uşaqların aqressiv olduğu ortaya çıxmışdır.
Tədqiqatçılar 20 şəhərdən təqribən 3128 uşaq üzərində apardıqları araşdırma zamanı uzun müddət televizora baxan uşaqlarda sonralar başqa uşaqlarla dava etmək, müntəzəm olaraq əsəbi olma, oyuncaqlarını qırmaq və əksər hallarda qışqırma kimi hallar baş verir.
Tədqiqat ABŞ Pediatr Akademiyası tərəfindən təsdiq edilmiş və valideynlərə iki yaşadək uşaqları televizordan tamamilə uzaqlaşdırmaq iki yaşdan yuxarı uşaqları isə gün ərzində yalnız iki saat televizora baxmağa icazə vermələrini məsləhət görmüşdür.

Tanınmış Hollivud ulduzu Ancelina Coli yenə uşaq istəyir. Bu barədə “Life & Style” jurnalı yazıb. Jurnalın Ancelina Coli və Bred Pitt ailəsinə yaxın mənbəyə istinadən yazdığı məlumata görə, cütlük artıq hazırlıqlara başlayıb. Altı uşaqlı ailənin növbəti üzvü cütlüyün doğma övladı olacaq.

Xatırladaq ki, dünyanın ən gözəl qadınlarından biri hesab edilən Ancelina Coli və əri aktyor Bred Pittin 6 uşağı var. Onlardan üçü doğmadır. Cütlüyün sonuncu doğma uşaqları olan əkizlər ötən ilin yayında dünyaya gəlib.

Araşdırmalar göstərir ki, bəzən uşaq doğulmadan öncə ana bətnində baş barmağını əmməyə başlayır. Bu bəzi uşaqlarda əmmə refleksinin güclü olması ilə izah edilir.
Uşaqlar üçün əmmə yalnız qidalanma vasitəsi yox eyni zamanda sakitləşdirici təsirə malik bir prosesdir. Bu səbəbdən bu gün hər bir valideyn əmzikdən istifadə edir.
Amerika Pediatr Akademiyası əmziyin faydalarını və zərərləri barədə araşdırma apararaq aşağıdakı nəticəni əldə etmişdir.
Əmzik körpəni sakitləşdirir onu ağlayan hər bir uşağa verdikdə o dərhal səsini kəsir.

Əgər uşaq qaranlıq qorxusundan qurtula bilmirsə, mütləq psixoloqa müraciət edilməli və problem aradan qaldırılmalıdır
Nədənsə, uşaqlar qaranlıqdan daha çox qorxurlar. Bəzən onlara elə gəlir ki, anaları yanında olmasa, heç nə edə bilməzlər.
“Anneyiz.Biz” saytının məlumatına görə, bu vəziyyəti aradan qaldırmaq yollarından biri, uşaqların erkən yaşlarında yataq otaqlarını ayırmaq və yuxu saatlarını müəyyənləşdirməkdir. Bu saat sabit olmalıdır, yəni dəyişməməlidir. 2-6 yaşlı uşaqlar üçün yuxu saatı 20.00-21.30, 7-12 yaşlı uşaqlar üçün 20.00-21.30, 15-18 yaşlı uşaqlar üçün isə saat 23.00 olmalıdır. Həmçinin uşaq saat neçədə yatacağını bilməlidir.

Körpələrinə ana südü vere bilməyən analar üzülməsin…
Mütəxəssislər ana südünün olmadığı zamanlarda həkim nəzarətində verilən bəhməzin də körpələrin ürək və beyinin inkişafı üçün çox faydalı olduğunu bildiriblər.
Türkiyənin Qida Muhəndisləri cəmiyyətinin Konya şöbə rəisi Ramazan Çələbi mineral maddələr və vitaminlərlə zəngin olan bəhməzin saglıqlı inkişaf üçün önəmli bir qida qaynağı olduğunu ifadə etmişdir.