Yüklənir...biraz gözləyin
| Azərbaycanın ilk tibbi portalı |
|
| loading...
Hıçqırığın qarşısını necə almalı Rus təbabətçiləri hıçqırığı kəsmək üçün belə edirlər: xırda-xırda doğranmış dəfnə və albalı yarpaqlarının hərəsindən 10qr götürüb bir stəkan qaynar suda dəmləyib süzürlər.Ondan gündə bir neçə dəfə,hər dəfə də 20-25 damcı bir xörək qaşığı suya töküb içirlər. Hıçqırığı kəsməyin ən qədim və sadə üsullarından biri də qurtum-qurtum soyuq su içməkdir.Bu sadə müalicə də hıçqırığı dəf edə bilər. Zirəni soyuq suya töküb vam odda qaynadırlar.Ondan bir neçə dəfə qurtum-qurtum içmək olar. Əgər hıçqırıq ara vermirsə onda bir qədər badam yağı ilə şəkər qarışdırın və əzin,onu qəbul etsəniz hıçqırıq kəsilər. Şüyüdün gövdə və toxumunu qaynadıb qurtum-qurtum içmək olar. Daha bir sadə üsul.Bir stəkan soyuq su için,amma bir qədər başqa formada.Belə ki suyu stəkanın özünüzə tərəf olan hissəsindən deyil,onu əks tərəfdən içmək lazımdır.Bunun üçün boyunu irəli uzatmaq və başı elə əymək lazımdır ki,çənə stəkanın içinə girsin.Bu sadə olsa da sınaqdan çıxarılmış üsuldur. Allah şəfa versin. Cinsi fəaliyyətin saxlanması və gücləndirilməsi məsələsi, qədimdə və orta əsrlərdə təbabət elmini diqqət mərkəzində dayanmışdır. Bu məsələdə əsas yer qadalanmaya verilir. Cinsi fəaliyyətin zəifləməsi orqanizmin tez qocalmasına, insanın ruhi və mə”nəvi cəhətdən tez düşməsinə səbab olur. Keçmiş təbiblərin fikrincə razyana və rəhvəni çox işlətmək cinsi fəaliyyəti zəiflədir, bunun əksinə olaraq darçın, istiot, əncir, kahı və püstə cinsi fəaliyyəti gücləndirir. hindqozunun içərisində olan süd kimi maye və yabanı kökdən hazırlanmış mürəbbə ğıcıqlandırıcı xassəyə malikdir. Balıq kürüsü yaxşı qida olmaqla yanaşı, cinsi fəaliyəti qüvvətləndirir. bu məqsədlə ləpəli meyvələrdən qoz və püstə, başqa bitkilərdən mərəçüyüd, səhləb, nanə, südlə bişirilmiş şalğam, səməni halvası və yetişməmiş buğdanı süddə bişirib yemək də yaxşı tə”sir göstərir. Toyuğun içalatı, xaya, balıq və kürü, təzə yumurta, zəncəfil, mixək və başqa istilik gətirən ədviyyələr, cinsi fəaliyyətə müsbət tə”sir göstərən təbii vasitələrdir. Ancaq bunları həddən çox işlətmək olmaz. Bal sağlamlığı möhkəmləndirməklə yanaşı, cinsi fəaliyyəti gücləndirir, onu tənzimləyir. Kabab və kükü, sərcə və bildirçin əti, kərə yağı və qaymaq, bir sıra mürəbbələr (albalı, cırhavuc, yerkökü, qabaq və qoz mürəbbələri), şəkər və kişmiş cinsi həvəsi gücləndirir. Bu zaman zirəni istiot və bal ilə və ya ağ xaşxaşı bal ilə işlətmək də faydalıdır. Bir sıra qida maddələri, orqanizmi qüvvətləndirmək və cinsi fəaliyyəti artıqmaqla yanaşı, həm də sperma yaratmaqda mühüm əhəmiyyətə malikdir. Belə vasitələrdən beçə əti, beyin, badam, lobya, göy lobya və düyü həm uzun ömürlük, həm də çoxuşaqlılıq rəmzi kimi tanınmışdır. Noxud (düyü və ya darı ilə), südlü sayıq, çiyid içi və s. də buraya daxil edilir. Keçmişdə, cinsi həvəs oyatmaq üçün budların iç nahiyəsini şir piyi, qaplan qanı ilə sürtər, beli isə gicitkən toxumu, çöltərxunu kökündən alınan yağla yağlayarmışlar. Yarıbişmiş yumurta və püstə ilə zəncəfil, yonca və gicitkən toxumu sperma yaratmaqla cinsi meyli artırır. Bədənin həssas yerlərini mixək şirəsi və ya təbii soda qatılmış bal ilə yağlamaq cinsi həvəs oyadır. 2q xardal toxumunu şərabla içmək, budun iç nahiyəsini onunla sürtmək cinsi həvəs oyadır. Bu baxımdan 2 q-dək mixəyi döyüb, südlə qataraq içmək də yaxşı tə”sir göstərir. Öd kisəsi Öd kisəsinin xəstələnməsi və ya şişi həzm prosesinin pozulması, köp yaranması, ürək bulanma və qızdırma ilə nəticələnir. Xəstəlik zamanı ilk növbədə istirahət etmək, sadə və sulu xörəklər işlətmək lazımdır. Bu zaman innab və qaynanmış arpa suyu yaxşı tə”sir göstərir. Kasnı şirəsi, kahı, cücə və təzə pərpərən işlətmək faydalıdır. Duzlu və yağlı xörəklərdən, yumurta yeməkdən pəhriz saxlamaq lazımdır. Öd kisəsi xəstəliyi və öd yolunun tutulması zamanı, qida rejiminin pozulması böyük narahatlıq doğurur. Qeyd etmək lazımdır ki, sinir sistemində olan pozğunluq, çox fikirləşmək, qüssələnmək, daxili iztirablar, uğursuzluq və ümidsizlikdən doğan ruh düşgünlüyü, qorxu və başqa duyğular da öd kisəsinin funksiyasının pozulmasına öz tə”sirini göstərir. Xəstəliyin müalicəsi üçün üzüm rejimi saxlamaq, turş üzüm işlətmək lazımdır. Turş üzüm olmasa şirin üzüm şirəsini çəkib, ona bir qədər su qatmaqla şirinliyini azaldıb, istifadə etmək olar. Bir müddət hər gün turş üzüm, sonra isə bir gün üzüm şirəsi, o birisi gün limon şirəsi işlətmək lazımdır. Öd çoxluğu zamanı xiyar yemək məsləhət görülür. Öd kisəsində qum olarsa, qarğıdalı saçaqlarının dəmləməsindən istifadə edilir. Öf ifrazına kömək edən kasnı kökünün dəmləməsindən (50q kökü 1L suda dəmləmək lazımdır) 1 fincan səhərlər acqarına, 1 fincan isə gecə yatmazdan qabaq işlətmək məsləhət görülür. Öd yolunun tutulmasının qarşısını almaq üçün yeməkdən sonra yersarmaşıqının dəmləməsindən 1 fincan içmək məsləhətdir. Öd yolunun tutulması və öd kisəsində daşlaşma zamanı, 25q yabanı kasnı yarpağının 1L suda dəmləməsindən istifadə edir, yaxud 20–25q zirinc kökünün azca qaynadıb süzür və bir qədər şirinləşdirərək işlədirlər. Öd kissəsini fəaliyyətini tənzimləmək və gücləndirmək məqsədilə, səhərlər 1 qaşıq zeytun yağı içmək məsləhətdir. Bu, bağırsaqların fəaliyyətinə də yaxşı tə”sir göstərir. Həzmin tənzimlənməsi üçün abqora, zirinc şirəsi və albalı işlətmək lazımdır. Öd kisəsi xəstə olanlar duru xörəklər yeməklə, xörəklədə göyərtilər, dənli bitkilər, o cümlədən arpa, kasnı işlətməlidirlər. Arpanın qaynanmış suyu çox faydalı sayılır. Cücə və dana ətindən istifadə etmək məsləhət görülür. Öd kisəsinin şişməsi zamanı çətin həzm olunan və köp törədən qidalardan, tünd və ağır yeməklərdən pəhriz saxlanmalıdır. Bu zaman portağal və ya onun şirəsini, şahtut, zirə işlətmək tə”sirli vasitələrdən hesab edilir. Hələ keçmişdən həm ədviyyə, həm xörəkləri rəngləmək, həm də orqanizmin sağlamlığını tə”min edən qida maddəsi kimi, sarıkökdən istifadə edirlər. Sarıkök bağırsaqları möhkəmlədir, həzmə kömək edir, öd kisəsi üçün faydalıdır; öd kisəsində daşlaşmaya qarşı münasib tədbirdir. Öd kisəsində daş olanlar həmçinin alma yeməlidirlər.
| |
|
