2030-cu ildə Yer kürəsinin hər 10 böyük vətəndaşından biri şəkərli diabetdən əziyyət çəkəcək. Beynəlxalq Diabet Federasiyasının ekspertləri bu qənaətə gəliblər.

Təşkilatın hesabatında qeyd edilir ki, 20 ildən sonra xəstəlik 522 milyon insanı təhdid edəcək.

Bu xəstəlikdən ölənlərin sayında da 2 dəfəyə kimi artım baş verəcək. Bu qiymətləndirməyə diabetin hər iki növü aiddir.

Xəstələr qanda şəkərin miqdarını göz yaşı ilə müəyyən edə biləcəklər.
Şəkərli diabet xəstələri şəkərlərinin miqdarını öyrənmək üçün hər gün barmaqdan qan verərək şəkər səviyyələrini ölçmək məcburiyyətindədirlər.
Bəzən xəstələr barmaqlarını deşməmək üçün şəkərlərinin miqdarını yoxlamaqdan yayınırlar ki, bu da sonradan xəstənin vəziyyətinin pisləşməsinə səbəb olur.

Artıq bu problemə son qoyulacaq. Anspress-in türk mətbuatına istinadən verdiyi məlumata görə, Miçiqan Universitetinin elmi işçiləri xəstəlikdən əziyyət çəkənlər üçün yeni üsul tapıblar. Belə ki, xəstələr şəkər miqdarını yoxlamaq üçün qan yerinə göz yaşından istifadə edə biləcəklər.

"Science" jurnalının verdiyi məlumata görə, gecə işi xüsusən qadınlar üçün çox zərərlidir. Gecə işi ikinci tip diabet xəstəliyi riskini artırır.
Harvard səhiyyə məktəbi alimlərinin apardıqları genişmiqyaslı tədqiqatın nəticələri belə deməya əsas verir.
Alimlər 1988-ci ildən 2008-ci ilədək 69 min amerikalı qadın üzərində müşahidələr aparıblar.
Bu müddət ərzində müşahidə olunanlardan 6200 qadın diabet xəstəliyinə tutulub ki, onların da əksəriyyəti gecə işində çalışanlar olub.

Yalnız bir baxış diabetlə bağlı əsəb pozğunluğunun müəyyənləşdirilməsi üçün kifayətdir. Bu cür pozğunluq diabet xəstələrinin 50 %-də müşahidə olunur. Bu, ayrı-ayrı hallarda ətraflarda hissiyyatın itirilməsi, hətta amputasiya ilə də nəticələnir. Bu barədə New Scientist jurnalı yazıb.

Əsəb tellərinin zərər çəkməsi adətən invaziv testlər - əsəb və toxuma biopsiyası vasitəsilə müəyyənləşdirilir. Kvinslend Texnoloji Universitetindən Natan Efron həmkarları ilə birgə bu üsulu dəyişdirmək istəyir. O, mövcud metodlara alternativ qeyri-invaziv üsul hazırlayıb.

Harvard School of Public Health-in alimi Dariush Mozaffarian və qrupu 3736 nəfərin iştirak etdiyi və əslində qan damar sistemində olan problemləri müəyyən etmək üçün aparılan araşdırmanın nəticələrini açıqlayıb.

Alimlər bu araşdırmanın nəticələrindən istifadə edərək, iştirakçıların diabet riskini müəyyən etmək üçün qan şəkərini və insulinin miqdarını,
həmçinin qandakı müxtəlif yağ turşularının faizlərini analiz ediblər.

1. İldə bir dəfə gözünüzü həkim müayinəsindən keçirin. Göz həkiminizə şəkər xəstəsi olduğunuzu mütləq deyin.
2. Hər 6 aydan bir diş həkiminə müraciət edin. Xüsusilə diş ətlərinin iltihabına şəkər xəstələrində tez-tez rast gəlinir.
3. Hər gün ayaqlarınızı ilıq suda sabunla yuyun və arxadan önə doğru qurulayın.
4. Dərinizin quruması baş verə bilər. Elə buna görə də dərinizə nəmləndirici krem çəkin. Ayaq barmaqlarınızın arasına krem sürtməyin.
5. Yayda da mütləq corab geyinin, ayağı açıq gəzməyin. Geyindiyiniz corablar isə mütləq pambıq olmalıdır. Ayaqlarınızı sıxıb, iz qoymamalıdır. Ayaqlarınız rahat olmalıdır. Ayaq dırnaqlarınızı düz şəkildə kəsin.

Xəstələrin insulin tələbatını ödəmək üçün peyvənd hazırlanır.
Şəkərli diabet xəstəliyindən əziyyət çəkənlər üçün ümid işığı doğub. İngiltərənin "Oxford Brookes" Universitetinin alimləri bu xəstəliklə bağlı araşdırma aparıblar. Mütəxəssislər xəstələrin insulinə olan tələbatını ödəmək üçün peyvənd hazırladıqlarını bildiriblər. "Diabetologia" adlı tibb jurnalında nəşr edilən araşdırmaya görə, iynədən sadəcə 6 gün istifadə ediləcək. Bu peyvənd bədənin insulin ehtiyacını sürətlə artırır və şəkərli diabetin 1-ci növü ilə mübarizə aparır.
Hələlik peyvənd ilə bağlı ətraflı araşdırmalar və təcrübələr davam etdirilir.

Britaniyalı həkimlər süni mədəaltı vəzinin uşaqlarda birinci tip şəkər xəstəliyinə nəzarəti yaxşılaşdırığını nümayiş etdiriblər.

Sınaqlar zamanı 17 uşaq insulin nasosu və qlükoz senzoru ilə təmin edilib.

Bu halda altmış faiz vaxt ərzində qandakı şəkərin səviyyəsini normal dərəcədə saxlamaq mümkün olub.

Qoz ağacının yayıldığı ərazilərdə zob xəstəliyinə tutulanların sayı daha çox olur. Çünki qoz ağacı yodun hamısını özünə çəkir
Endokrinoloq Süleyman Həsənovun sözlərinə görə, qalxanvari vəzin böyüməsinə zob deyilir və “zob” sözünün azərbaycanca qarşılığı budur: “Bu xəstəliyin yaranma səbəbləri müxtəlifdir. İlk növbədə, havada, torpaqda, suda və məişətdə istifadə edilən duzda yodun çatışmazlığıdır. Digər amillər kimi stress, radiasiya və birtərəfli qidalanmanı göstərmək olar. Arıqlama preparatlarından istifadə etmək də insanda zob xəstəliyi törədə bilər”. Süleyman həkim bildirdi ki, Naxçıvan, Şəki-Zaqatala, Quba-Qusar və cənub bölgələrində zob xəstəliyi geniş yayılıb. Maraqlı faktlardan biri də odur ki, qoz ağacının yayıldığı ərazilərdə zob xəstəliyinə tutulanların sayı daha çox olur. Çünki qoz ağacı yodun hamısını özünə çəkir, “Zob xəstəliyinin iki forması var: düyünlü və düyünsüz. El arasında bunlara zəhərli və zəhərsiz zob da deyirlər”, - edokrinoloq belə deyir.
Ürəyin tez-tez döyünürsə...