Yaponlar ürəyi əvəz edə bilən mini nasos yaradıblar. Rusiya mətbuatının verdiyi məlumata görə, naqilsiz mexaniki nasosu Toxoki Universitetinin mütəxəssisləri hazırlayıblar. Bu süni ürəyin hazırlanması yolunda atılan daha bir addımdır.

Nasos silindirik maqnitin fırlanması ilə dəqiqədə 5 litrdən artıq qan ötürə bilər. Bu əsl ürəyin ritminə yaxın göstəricidir.

Rəsmi hesablamalara görə, bu nasos digərlərindən həcminə görə də fərqlənir. Belə ki, ənənəvi mexaniki nasoslar böyük olur.

Sağalmayan yaralardakı infeksiya bu cihaz vasitəsilə 50 faiz azaldılır.
Böyük Britaniya alimləri əməliyyatdan sonra sağalmayan, yenidən açılan yaraları sağaldan və infeksiyaların qarşısını alan qeyri-adi PİCO adlı cihaz hazırlayıblar. Tozsoranı xatırladan cihaz qanın lazımi sahəyə axınını təmin edir.

Bu da öz növbəsində sağalam hüceyrələri gücləndirir. PİCO plastik boru, birdəfəlik istifadə üçün sarğı və batareyalı mobil cihazdır.

Tokio Universitetinin alimləri yeni arıqlama vasitəsi icad edib. Belə ki, yapon tədqiqatçılar istifadəçiyə arıqlamağa kömək edən xüsusi eynək hazırlayıb.

Eynəyin mürəkkəb sistemi sayəsində istifadəçi masanın üstündə olan yemək porsiyasını ölçü baxımından bir neçə dəfə böyük görür.

Yapon alimlər iddia edir ki, bu eynəyi taxmaqla istifadəçi daha az yeməklə kifayətlənməli olur.

"Medical News Today" bildirir ki, tərkibində multiformalı qlioblastoma olan peyvəndi tədqiqat qrununun rəhbəri, San-Fransiskodakı Kaliforniya Universitetinin professoru Endryu Parsa Amerika Neyrocərrahlar Assosiasiyasının (American Association of Neurological Surgeons) toplantısında təqdim edib.

Multiformalı qlioblastoma beyin xərçənginin ən geniş yayılan formasıdır. Bu xəstəliyə tutulan pasiyentlərin 90 faizi beş ildən sonra dünyasını dəyişir.

Qlioblastomanın standart müalicəsi kimya və ya şüa terapiyası, habelə xərçəng şişinin cərrahiyyə yolu ilə kəsilməsi vasitəsi aparılır.

ABŞ-ın Los-Anceles şəhərindəki Kaliforniya Universitetinin alimləri insanı başqaları ilə müqayisədə daha ağıllı edən geni aşkarlayıblar.
"Scientist" bildirir ki, nevroloq Pol Tompsonun fikrincə, bu genin variantlarından biri insanı daha ağıllı etsə də, intellektual üstünlüyü müəyyənləşdirən yeganə amil deyil.

HMGA2 geninin variasiyalarını alimlər tamamilə təsadüfən, beyin xəstəliklərinin genetik səbəblərini araşdırarkən tapıblar.

Məlum olub ki, HMGA2 geninin müəyyən kimyəvi strukturu olanda insanlar başqaları ilə müqayisədə daha ağıllı olurlar.

Hörümçəklər insanların qorxulu röyası olan xərçəng xəstəliyini müalicə edə bilərlər. Tədqiqatçılar əmindirlər ki, hörümçəyin zəhəri süd vəzi xərçənginə qarşı effektiv kimyaterapiyanı qabaqlaya bilər.

Ceyms Kuk Universitetinin professoru Norel Deylinin sözlərinə görə, onlar artıq tarantul və sidney hörümçəyinin zəhərini test etmək üçün Avstraliyanın Milli Süd Vəzi Xərçəngi Fondundan 2 mln dollar dəyərində qrant alıblar.

"Hörümçək zəhəri xərçəngə qarşı potensial mübarizə vasitəsidir. İndi ilkin araşdırma aparılır.

İynə vurulan zaman ağrı hiss etdirməyən şpris icad edilib. Şprisi britaniyalı tibb fakültəsinin tələbəsi Oliver Blekuel ixtira edib. Rusiya mətbuatının verdiyi məlumata görə, mexanizmin sirri eyni anda iki iynədən istifadə edilməsindədir.

Adi iynə ilə olan peyvənddən əvvəl, bədənə kiçik diametrə malik iynə ilə mikrodozada (0,2 ml) ani təsir edən keyləşdirici vurulur. Nəticədə pasient vurulan iynə zamanı heç bir ağrı hiss etmir.

ABŞ-ın Vermont universitetinin (University of Vermont) alimləri inqilabi kəşf edib. Onlar indiyədək elmə məlum olan I, II, III və IV qan qruplarından savayı Lanqerays və Cunior qan qruplarının da mövcud olduğunu sübut edib. Bioloqlar bu iki qan qrupunun aşkar edilməsini bəzi insanlar üçün ölüm-dirim məsələsi olduğunu bildirir.

Elmi araşdırmanın rəhbəri Brayan Ballif Yaponiyada 50 mindən artıq şəxsin mənfi rezuslu Cunior qan qrupuna mənsub insanlar olduğunu bildirib: "Son vaxtlaradək elmə 30 növ zülal məlum idi. Ancaq indi daha 2 növ zülal aşkar edildi. Bu cür əhəmiyyətli kəşf 10 il bundan əvvəl baş vermişdi".

Almaniyada çalışan türkiyəli həkimlər diabet sahəsində apardıqları araşdırmalar nəticəsində bu sahədə nəhəng sıçrayışa imza atıblar. Türkiyə-Almaniya Səhiyyə Fondunun rəhbəri doktor Yaşar Bilginin rəhbərliyi altında tədqiqat qrupu yaratdıqları inqilabi dərmanın ilk müsbət nəticələrini əldə ediblər. Bu barədə "Milliyət" qəzeti xəbər yayıb.

Avropa İttifaqının da dəstək göstərdiyi araşdırmanın nəticələri barədə məlumat verən Bilgin bildirib ki, xəstənin yağ toxumalarından insulin hazırlayan beta-hüceyrələr alınaraq xəstənin orqanizminə iynə vasitəsilə yenidən yeridiləcək. Beləliklə də mədəaltı vəz yenidən öz funksiyasını yerinə yetirməyə başlayacaq. Bununla da insulin tələbli xəstələr yenidən normal həyat tərzi sürə biləcəklər.

Onların yeni metodu xəstənin beyninə sağlam əsəb hüceyrələrinin köçürülməsindən ibarətdir.

"Yomiuri" xəbər agentliyi bildirir ki, meymunlar üzərində aparılan laborator sınaqları uğurla başa çatdığından yaxın perspektivdə metoddan Parkinson xəstəsi olan insanların müalicəsində də istifadə etmək nəzərdə tutulub.

Kioto Universiteti nəzdindəki Reproduktiv Səhiyyə İnstitutunun dosenti Dzyun Takahasinin başçılıq etdiyi alimlər qrupu lülə hüceyrələrindən sağlam əsəb hüceyrələri yetişdiriblər.

ABŞ-ın Kaliforniya Universitetinin alimləri səhiyyə üçün inqilabi ixtiranın müəlliflərinə çevrilib. Belə ki, beyin funksiyalarını tədqiq edən qrup insanın fikirlərini sözlərə çevirən xüsusi texnologiyanın əsasını qoyub.

Funksional maqnit rezonans görüntüləmə sistemindən istifadə olunan sınaqlar 15 epilepsiyalı və xərçəngli xəstə üzərində aparılıb. Belə ki, cərrahiyyə əməliyyatında ikən həmin şəxslərin beyinlərinin yuxarı gicgah nahiyələrinə xüsusi elektrodlar qoşulub.

Yaponiya alimləri qrip xəstəliyinin diaqnozunun daha sürətlə müəyyən edilməsinin yeni üsulunu tapıblar. Yeni üsul hazırda klinikalarda tətbiq olunan adi analizlərlə müqayisədə diaqnozu 10 dəfə tez təyin etməyə imkan verir.

Dövlətin dəstəyi ilə tədqiqatlar aparan Riken Elmi Tədqiqatlar İnstitutunun alimləri DNK həlqəsini H1N1 qripinin virusuna tətbiq etməklə, bu üsulu işləyib hazırlayıblar.

Mütəxəssislər bildiriblər ki, yeni üsul hər hansı qripi müəyyən etmək üçün tətbiq edilən adi metodlara nisbətən 100 dəfə həssasdır.