Dəri çatları (striyalar) – yeniyetmə dövründə, hamiləlikdən sonra, orqanizmin çəkisinin artıb-azalması nəticəsində, eləcə də, endokrin xəstəliklər üzündən yaranan atrofiyaya uğramış çapıqlardı.
Belə hesab olunur ki, bütün hallarda çatların yaranmasına səbəb orqanizmdə hormon balansının pozulması, stress (ilk növbədə kortizol) və qadın cinsi hormonları və s. normadan artıq əmələ gəlməsidir.

Dəri çatlarının inkişafında əsas rolu dəri xüsusiyyətlərinin dəyişməsi, yəni onun elastikliyi, nəmliliyinin azalması, sinir uclarının zədələnməsi nəticəsində keçiriciliyin pozulması və mikrodövriyyənin korlanmasıdır. Dərinin funksional xassələri həmişə hormonal “partlayışlar” zamanı dəyişir. Birləşdirici toxumanın quruluşu və funksiyaları əksər hallarda irsən keçir.
Çatların müalicəsi sadə iş deyil. Burda əsas yük əlbəttə ki, dermatokosmetologiyanın üzərinə düşür. Bu zaman bir neçə metoddan istifadə edilir:
• iynə vasitəsilə
• aparatla
• xüsusi müalicəvi maskalarla

Çatların müalicəsi onların yaşı, qalınlığı, dərinliyi və ətraf toxumaların vəziyyətinə uyğun olaraq metodun seçilməsi ilə səmərəli ola bilər. Müalicə kompleksi həyata keçiriləndən sonra həkim professional müalicəvi çatlar əleyhinə krem təyin edə bilər. Bu halda əldə olunan nəticə saxlanılır, yeni striyaların yaranmasının qarşısı alınır.
Çatların aradan qaldırılması metodları
İynə metodu
Preparatın seçimi və müalicə kursunun intensivliyi pasiyentin fərdi xüsusiyyətləri (çatın yaşı, diametri, sayı və s.) və problemlərinə əsasən həkim tərəfindən müəyyənləşdirilir. Tərkibində heyvan və bitki mənşəli hüceyrə ekstraktları olan preparatların geniş seçimindən istifadə edilir.
Hüceyrələrin bölünməsi dayanmış atrofiyaya uğramış zonalara (çatlara) canlı hüceyrələr yeridilir. Bundan başqa, iynə kokteyllərinin tərkibinə vitaminlər, amin turşuları, minerallar, nuklein turşuları və kofermentlər daxildir. İynə vurulmuş hissələrdə qidalı maddələrin konsentrasiyası uzun müddətə bəs edən ehtiyat yaradır. Dəri faydalı maddələrlə zənginləşir, daha möhkəm və sağlam görünür, çatlar isə ya az görünür, ya da ki tam itir (Bu, çatların “ömründən” asılıdır).
Vakuumla müalicə
Vakuum sorma və lazerin stimulyasiya edici təsiri nəticəsində zədələnmiş dəridə yerli səviyyədə qan dövranı və mikrostimulyasiya yaxşılaşır.
Ultrasəslə müalicə
Ultrasəs yerli qan dövranını yaxşılaşdırır və sellilüt düyünlərini azad edəcək fibrotoxumların parçalanmasını təmin edir. Ultrasəs yerli ödemi də aradan qaldıracaq reabsorpsiya effekti yaradır, yağın parçalanmasını təmin edir və bununla da toxumaları növbəti mərhələyə - dreno-masaja hazırlayır. Bu prosedur həftədə iki dəfə olmaqla 8-12 seans təşkil edir.
Xüsusi maskaların tətbiqi
Belə maskaların əsas tərkib hissəsini embrional hüceyrə materialı təşkil edir. Bu maskaların təsir gücü hüceyrəvi tərkibinə görə çox dərindi. Maskaların tərkibində olan stabilləşmiş hüceyrələr öz enerjilərini və bərpaedici potensialını çatlarda olan gücdən düşmüş və zəifləmiş hüceyrələrə verir. Dəri funksiyaları aktivləşir və epidermisin vəziyyəti kökündən dəyişir.
Köklüyə meylli qadınlarda sellilütün müalicəsinə ildə iki dəfə baş vurmaq lazımdır. Bu zaman müxtəlif vasitələri növbələmək tövsiyyə olunur.

/HI-FI ESTETIK/