ABŞ-da aparılan tədqiqatlar zamanı məlum olmuşdur ki, hamiləlik dövründə ən münasib idman üzgüçülükdür. Üzərkən insan orqanizminin qollar, ayaqlar və qarın nahiyəsindəki bütün əzələləri işləyir. Eyni zamanda ürək döyüntülərinin və orqanizmə gedən oksigenin miqdarı artdığı üçün körpənin qəbul etdiyi oksigenin də miqdarı artır. Bunlarla yanaşı üzərkən hamilə qadınlar özlərini daha yüngül hiss edərlər ki, bu da onlara psixoloji nöqteyi nəzərdən köməklik edir. Eyni zamanda salonlarda edilən bəzi idman hərəkətlərini suda da yerinə yetirmək mümkün və məsləhətlidir çünki bu zaman tərləmək və orqanizmin hərarətinin artması halları baş vermir.
Lakin hamiləlik dövründə üzərkən bəzi məqamları unutmamalıyıq.
• Hamiləliyin ilk 3 ayında gündə maksimum 20 dəqiqə üzmək məsləhət görülür.
• Suya girməzdən əvvəl bədəni isitmək lazımdır
• Üzərkən hamilələr üçün nəzərdə tutulmuş xüsusi çimərlik paltarlarından istifadə etmək və eyni zamanda suyun təmizliyinə diqqət yetirmək vacibdir.