Körpələrdə daha çox rast gəlinən problemlərdən biri də qəbizlikdir.
Qəbizlik bağırsaqların fəaliyyətinin zəifləməsi nəticəsində, bəzən isə bağırsaqdaxili sinirlərdə problem yarandıqda meydana çıxır.
Qəbizliyi aradan qaldırmaq üçün zeytun yağı yaxşı vasitə hesab olunur.
Körpə südəmərdirsə, südə, yemək yeyirsə, xörəyinə 1 çay qaşığı zeytun yağı əlavə edin verin içsin.

Adətən hamiləyə belə deyirlər: “sən iki nəfərin əvəzinə yeməlisən!”

Amma elə deyil. Həkim məsləhət görməyibsə, çox yeməyin mənası yoxdur. Hamilə qadın yeməyin kəmiyyətinə deyil, keyfiyyətinə nəzarət etməlidir. Ancaq hamilənin iştahası barədə yəqin çox şey eşitmisiniz. Kimi hamiləliyin ilk ayları qatıqdan, ya da, məsələn, şirniyyatdan başqa bir şey yeyə bilmədiyini deyir. Kimi də nəinki ekzotik şeylərə meyl edir, üstəlik gecənin bir aləmində durub divarın gəcini, təbaşiri, karandaşı, ya da diş pastasını yeməkdən özünü güclə saxlayır. Bəs həkimlər nə deyir? Hamilə qadının qışın oğlan çağında qarpız arzusuna düşməsinin səbəbi nədir? Qadın nazlanır, yoxsa doğrudan da ehtiyacı var?
Həkimlərin cavabı birmənalı deyil. Hamilənin iştahasını dəyişən faktorlar çoxdur; orqanizmdə gedən yeni proses, harmonal dəyişikliklər, psixoloji və hətta milli xüsusiyyətlərdən irəli gələn faktorlar var.

Dişlərin çürüməsinə uşaqlar arasında daha çox rast gəlinir. Bunun əsas səbəblərindən biri də rejimsiz qidalanmadır.

Karbohidratların bakteriyalar tərəfindən parçalanması nəticəsində turşu ifraz olunur və diş səthində pH faktoru (mühitin turşluluğunun göstəricisi) aşağı enir ki, bu da kalsium ve fosfor ionlarının diş minasından ayrılması ilə nəticələnir.

Uşaqların inkşafı dövründə fosfor, kalsium və florun miqdarı az olduqda, eyni zamanda şəkərli və karbohidratlarla zəngin olan qidalardan daha çox istifadə edildikdə çürümə baş verir. Dişlərin vaxtında və kifayət qədər təmizlənməməsi də kariesin yaranma səbəblərindəndir.

Həftə sonunda yatıb yuxunu almaq həftə ərzində yuxu qıtlığının fəsadlarını aradan qaldırmır.

159 adamı müayinə etmiş amerikalı alimlər müəyyən ediblər ki, bir gecə 10 saat yatmaqla bir neçə gecə ərzində 4 saatlıq yuxunun əvəzini çıxmaq olmur.

Bu adamların diqqət müddətini və reaksiyalarını yaxşılaşdırmır. Bu barədə məqalə Sleep jurnalında dərc edilib.

Bakıda daha bir üçəm doğuldu. Üçəmlər Mərkəzi Klinik Xəstəxanada Elnarə və Samir Hüseynovlar ailəsində dünyaya gəliblər. Hüseynovlar 2007-ci ilin aprelində ailə qursalar da, 3 il tale üzlərinə gülməyib. Ötən gün isə onların üç oğul övladları olub.
Uşaqların atası Samir Hüseynov övladlarının hər üçünün oğlan olduğunu əvvəlcədən bilmədiklərini deyir.
USM zamanı uşaqlardan yalnız birinin oğlan olduğunu biliblər. Bu səbəbdən də körpə hələ doğulmamış onun adını Ömər qoyublar. O biri iki körpəyə gəlincə, ata və ana uşaqlara nə ad qoyacaqlarını hələ bilmirlər.

İngiltərənin kütləvi informasiya vasitələri son günlərdə inanılmaz bir möcüzədən bəhs edirlər. Belə ki, ürək, ciyər və böyrək orqanları köçürmə olan və 13 ildir reanimasiya şöbəsində yatan 32 yaşlı Allison John adlı qadın tamam sağalıb hətta o, eyni bu kimi xəstəliklərdən əziyyət çəkən xəstələrə köməklik üçün həkim olmağa qərar verib.
13 il xəstə yatan Allison 3 dəfə ölümə olduqca yaxınlaşsada sağ qalmağı bacarıb. Hətta bir dəfə həkim əminliklə onun 3 gün içərisində öləcəyini bildirmişdir.
Çətin günlər yaşayan Allison müalicə aldığı xəstəxanada həkim kimi fəaliyyətə başlamağa hazırlaşır.

Günəş gözlüyünün şüşələrinin rəngi də əhəmiyyətli amillərdən biridir. Şüşələrin ən yaxşısı duman rəngi və qəhvəyi rəngi hesab olunur. Sürücülərin tünd rəngli eynəklərdən istifadə etməsi məsləhət deyil. Çünki bu cür eynəklər işıqforun rənglərini seçməkdə çətinliklər törədə bilər.
İsti yay günlərində gözlərimizi günəş şüalarından qorumaq üçün gözlüklərdən istifadə etməyə başlayırıq. Amma bu, heç də o demək deyil ki, qarşımıza keçən ilk eynəyi gözümüzə taxmalıyıq. Günəş gözlüyünün seçilməsində bir çox amilləri diqqət mərkəzində tutmaq lazımdır. Təbii ki, gözlükdəki şüşələrin təbii materialdan olması əsas faktorlardan biridir. Ucuz, sintetik materiallardan hazırlanan gözlük şüşələri həm sizi əsəbiləşdirə, həm də gözlərinizə ziyan verə bilər.

İngiltərənin Birmingham Heartlands xəstəxanasında baş verən qalmaqal beynəlxalq səhiyyə təşkilatlarını şoka salıb. Belə ki, xəstəxanada tibb bacısı işləyən 29 yaşlı Rebecca Bayliss adlı qadının orqan köçürülməsi üçün növbədə gözləyən və xəstəxananın reanimasiya şöbəsində yatan ağır vəziyyətdə olan bir xəstə ilə cinsi əlaqəyə girdiyi hətta bu əlaqənin üç aydır davam etdiyi məlum olub. Ürək və ciyər köçürülməsinə ehtiyacı olan xəstənin adı mətbuata açıqlanmır.
Məlum olmuşdur ki, xəstəxanaya 2008-ci ilin fevral ayında yatırılan xəstəni görən tibb bacısı Rebecca Bayliss ona aşiq olub hətta o xəstənin uğrunda sevgilisindən də ayrılıb.