Havalar bürkülü, isti keçdiyi üçün hamilə qadınlar daha ehtiyatlı davranmalıdırlar. Daim sərin yerlərdə olmaları, dərinin quru qalmamasından ötrü sudan daha çox istifadə etmələri, gün ərzində tez-tez ilıq duş almaları, göbələk xəstəliyinə tutulmamaları üçün pambıq paltarlar geymələri məsləhət görülür.
Temperaturun yüksək olması həddindən artıq tərləməyə, halsızlığa, yorğunluğa, başgicəllənməyə, ürəkbulanmaya, qusmaya, hətta əsəbiliyə səbəb olur.

Hamilə qadınların gündə 8-10 stəkan su içməsi, təzə meyvə şirələri qəbul etməsi vacibdir.

Özünü öymək insan psixikasına müsbət təsir göstərir.

Rusiya mətbuatının verdiyi məlumata görə, psixoloqların araşdırması belə deməyə əsas verir. İnsan elə yaranıb ki, o, daim nailiyyətə can atır. Özünə qapılma depressiya və məyusluğa səbəb olur.

Hansısa nailiyyətlə loğvalanmaq isə ətrafdakıların reaksiyasına səbəb olur. Psixoloqların fikrincə, məhz bu məqam insana müsbət təsir göstərir.