Alimlər deyirlər ki, onlar heyvan dünyasında insanın ən yaxın qohumunu aşkar ediblər.
Bonobo insana bənzər meymunlar könüllü olaraq qidanı paylaşmaq qabiliyyətinə malikdirlər.
Current Biology dərgisində alimlər araşdırma işinin təfərrüatlarını açıqlayıblar.
Onlar keçirdikləri sınaq zamanı bonobo meymunlarını qida olan bir otağa yığdıqlarını bildiriblər.
Onlar bu qidanı ya yeməli , ya da ki, qidanı bölüşmək üçün qapını açıb başqalarını içəri buraxmalı idilər.

Əgər siz kişisinizsə, xoşbəxt evlilik iflic təhlükəsini azalda bilər. Bu nəticəyə alimlər gəliblər.
10 000 israilli arasında aparılan araşdırma işi göstərib ki, subay və özlərini ailədə bədbəxt hiss edən kişilərin iflic təhlükəsi xoşbəxt evliliyi olan kişilərdən daha çoxdur.
Mütəxəssislər deyirlər ki, təqdim edilən nəticələr sevgi dolu münasibətlərin gücünü əks etdirir.
Amma onlar iddia edirlər ki, sağlam həyat tərzi iflicin qarşısını almağa yardım edə bilər.
Tel Aviv Universitetinin keçirdiyi tədqiqat işi zamanı 1960-cı illərdə kişi dövlət qulluqçularının doldurduqları anketlər analiz edilib.
Yaşları təxminən 49 olan iştirakçılardan evliliklərini dəyərləndirmək soruşulub.

Yazmaq, oxumaq, müxtəlif əl işi və kompüter kimi 30-40 cm-dən daha az məsafədə olan fəaliyyətlər gözü çox yorur.
Kompüterdən meydana gələn göz xəstəliklərində 100% çoxalma qeydə alınıb. Göz mütəxəssisləri belə şikayətləri olanlara mümkün qədər kompüter ekranından uzaq olmağı məsləhət görür. Bu istiqamətdəki şikayətlərə bağlı ən çox meydana gələn xəstəliyin isə göz ağrısı və göz sulanması olduğu qeyd edilib.

Psixoloqlar ev heyvanlarının ruh sağlamlığı üçün əhəmiyyətli olduğunu qeyd edirlər. Uzun və yorucu bir iş günündən sonra evə gəldiyiniz zaman evdə hər hansı bir ev heyvanı ilə vaxt keçirmək bütün stress və yorğunluqları aradan qaldırır.
Çində 25-40 yaş arası insanlar üzərində aparılan araşdırmalar zamanı evində heyvan saxlayan insanların saxlamayanlara nisbətən özlərini daha rahat hiss etdikləri və daha rahat yatdıqları müəyyən olunmuşdur. Ev heyvanı deyərkən ağlımıza ilk it və pişik gəlir lakin bunlarla yanaşı bir sıra evdə saxlanılması mümkün heyvanlar var ki, onlar da həmçinin müsbət enerjiyə malikdir.

İslam dinində cinsi əlaqə zamanı nəyin doğru nəyin yalnış olduğuna dair müəyyən qaydalar mövcuddur. Təəssüflər olsun ki, günümüzdə bu qaydalar əksər gənclər tərəfindən çox da rəğbətlə qarşılanmır. Gəlin görək sözü gedən bu qaydalar nələrdən ibarətdir, dinimiz bizə nəyi halal nəyi haram buyurmuşdur.
• İlk olaraq Cənabı Haqq menstruasiya (aybaşı) zamanı kişinin qadına yaxınlaşmasını haram buyurmuşdur.
• İslamda anal və oral əlaqə də haram buyurulmuş və günah sayılır. Əgər bu növ əlaqəyə kişi qadını məcbur edərsə günahkar kişi sayılır yox əgər tərəflərin hər ikisi könüllü olaraq bu növ əlaqələrə girirlərsə o zaman qadında eyni dərəcədə günahkardır. Anal və oral cinsi əlaqə bütün hallarda haramdır hətta kəbinli ər arvad arasında belə bu əlaqə haram sayılır.

Qadın xəstəlikləri xüsusilə qadının cinsiyyət xəstəlikləri arasında böyük əhəmiyyətə malikdir. Erroziya, ektopion, patoloji doğum və s kimi hallar uşaqlıq xərçənginin mənşəyi sayılır. Uşaqlıq boynunun ən çox vagina hissəsində nisbətən az kanalında müşahidə olunur. Uşaqlığın özündə yəni cismində xərçəng az təsadüf olunur. Vagina hissəsinin xərçəngi müxtəlif inkişafa malikdir. Başlanğıcı çox vaxt erroziyaya bənzəyir. Sonralar vaginal hissəni iki növ infiltrasiyaya uğradır; birində xərçəng diffuz şəkildə selikli qişanın altı ilə dərin hissələrə yayılır, və sonra uşaqlığın yoluna və parametriuma keçir, digərində isə proses erroziya dövründən sonra məməcikli ya gül kələminə bənzər şəkil alır.

Gözun selikli qişasının iltihabı konyunktivit adlanır. Bu xəstəlik gözun qızarması, qıcıqlanması, ”yad cisim” hissiyyatı ilə özünü biruzə verir və həmçinin səhərlər göz qapaqlarının yapışması və müxtəlif xarakterli ifrazat ilə (irin, selik və s.) müşahidə olunur. Bunlardan başqa, göz qapaqlarının və selikli qişanın şişməsi, yaşaxma və işıqa həssaslıq müşahidə oluna bilir. Konyunktivitlər müxtəlif mikroflora ilə törədilir: bakteriyalar, göbələklər, rikketsiyalar və viruslar (həmçinin allergik konyunktivitlər də mövcuddur). Törədici mikrofloradan, orqanizmin müqavimətindən və xəstənin yaşından asılı olaraq konyunktivitlər müxtəlif şəkildə özünü göstərirlər. Müalicə olunmamış konyunktivit xroniki formaya keçir, keratit, buynuz qişanın xorası ilə nəticələnə bilir. Hətta gözün və görmə qabiliyyətinin itməsinə də qətirib çıxara bilir.

Astiqmatizm – gözün optik sisteminin defekti: gözün şüasındırma quvvəsinin əsas meridianlarda eyni olmaması. Astiqmatizmin əsas səbəbi buynuz qişanin qeyri sferik olmasıdır, yənı ki əsas meridianlarda əyrilik radiuslarının fərqli olmaları. Gözdə iki əsas, bir birinə perpendikulyar meridian var. Bunlardan biri ən güclü şuasındırma qabiliyyətinə malikdi, ikincisi isə ən zəif. Bu meridianların şuasındırma quvvəsində fərq böyük olduğu halda, torlu qişada əşyaların təsviri aydın alınmır. Əksər hallarda astiqmatizm anadan gəlmə olur. Bəzən, o gözdə aparılan əməliyyatlardan və ya buynuz qişanın xəstəliklərindən və travmalarından sonra əmələ gəlir. Həqiqətdə buynuz qişa heç zaman sferik olmur. Adətən, vertikal meridianda əyrilik radiusu horizontal meridiandan daha az olur. Normal (fizioloji) astiqmatizmin miqdarı 0,5-0,75 dioptriyadan çox olmur.

Bəzən çox yağlıdır deyərək hər gün saçlarını yuyan insanlara həkimlər saçlarını hər gün yumamağı məsləhət görürlər. Həkimlər saçları hər gün yumağın saçlara mənfi təsir edəcəyini hər gün yumaqla saçlar yağlılığını itirməz və bununla yanaşı dəridəki qoruyucu bakteriyalar yox olar nəticədə saç tğkülməsi və kəpəklənmə baş verər. Qoruyucu bakteriyalar yox olmaqla yanaşı həmçinin dəridə ziyanlı bakteriyaların yaranmasınada yol aça bilər. Həkimlər saçları həftədə 3 dəfə çox da isti olmayan ilıq su ilə yuyulmasının daha keyfiyyətli oladuğunu bildirmişlər. Eyni zamanda saça vurulan jele və digər bu kimi kimyəvi maddələrin saçda uzun muddət qalması saçların kökünü zəiflədərək saç tökülməsinə səbəb olur.