Amerika alimləri bunun gerçək olduğunu sübut ediblər. Hər 10 cütlükdən biri münasibətlərinin başlanmasından keçən 20 il ərzində ilkin sevgisini qoruyub saxlayır. Lent.az-ın “Sunday Times”-a istinadən məlumatına görə, Nyu-Yorkdakı Stouni Bruk Universitetinin alimləri gənc və 20 il birgə yaşamış cütlüklərin beynindəki kimyəvi proseslərin maqnit-rezonans metodu ilə müqayisəsindən sonra bu qənaətə gəliblər. Alimlər aşkar ediblər ki, sevgilisinin şəklini görən yaşlı cütlərin bəzi nümayəndələrinin beynində, yenicə vurulmuş insanın beynindəki prosesin tam eyni olan kimyəvi reaksiya baş verir.
Bəzi analar körpəni qucaqlarına almaq əvəzinə, arxasına yastıq qoyaraq və ya yatıraraq yemək verirlər ki, onun sağ-solu kirlənməsin. Lakin bu cür yedirmə üsulu körpənin boğulmasına səbəb olur. Böyüklərin hər hansı qidanı yatdığı yerdə yeməsi mümkün olmadığı kimi, körpənin də bu cür qidalanması mümkün deyil. Belə hallarda körpələr ağciyərlərinə qida qaçması nəticəsində zökəm olurlar. Çünki ana südündən başqa uşağa verilən bütün qidalar hökmən sterilizə edilməlidir. Hər hansı bir qida maddəsinin sterilizə olunmadan ağciyərlərə qaçması bir çox infeksion xəstəliklərin meydana gəlməsinə səbəb olur. Bəzən körpələr nəfəs borularına qida getməsi nəticəsində ölümlə də üzləşirlər. Ən təhlükəlisi isə budur ki, belə hallar çox ani olaraq baş verir. Belə hallarda nə ananın, nə də həkimin yardımı körpənin köməyinə çatmır. Ona görə də körpəyə yemək yedirərkən tənbəllik etmək olmaz. Bəzən körpə özünü uzanmış vəziyyətdən xilas etmək üçün ağzına qoyulan qidaları saxlayaraq udmur və ya ağzından çıxarır. Əslində o bu addımı boğulmamaq üçün atır.
Əgər qripdən qurtulmursunuzsa, bunun səbəbi ağzınıza sarıdığınız şərf də ola bilər. Çünki qışda havada dolaşan və xəstəliyə səbəb olan qrip virusları şərfə yapışır. Ağızda olan bakteriyalar da gün ərzində şərfə bulaşır. Buna görə də şərflər tez-tez yuyulmalıdır. Uzun müddət yuyulmayan şərflər xəstəlik qaynağına çevrilir və xroniki nəfəs yolu xəstəlikləri və sağalmayan qripə səbəb olur. Xüsusilə, məktəbə gedən uşaqların şərfləri daha təmiz olmalıdır.
DİQQƏT!!! Saytda yerləşdirilən bütün materiallar yalnız tanıtım xarakteri daşıyır və özünümüalicə məqsədilə istifadə oluna bilməz! Saytda yerləşdirilən xəbərlərə, şərhlərə və sağlamlığa dəyə biləcək mümkün zərərlərə görə Med.Az administrasiyası heç bir məsuliyyət daşımır !
Powered by Azerimed
Məlumat internet səhifələrində istifadə edildikdə müvafiq keçidin qoyulması mütləqdir.
|
