|
Ucluğun sıxılması fimoz adlanır. O müxtəlif formalarda özünü biruzə verir. Asan formada ucluq tənasül üzvünün başcığını ereksiya zamanı çətinliklə, sakit halda isə asanlıqla açır. Ağır formada isə sidiyə gedərkən əvvəl sidik yığılır və sonra damcı-damcı bayıra çıxır. Bu xəstəlik kişilərin 2-3 faizində olur.
3 yaşına qədər ucluq sanki tənasül üzvünə yapışır, sonra isə ondan aralanır və 6 yaşında başcıq ucluğu keçir.
Ucluğun sıxılması səbəbi tam aydın deyil. Lakin, bəzi bilgilərə görə bu xəstəlik orqanizmdə birləşdirici dərinin çatışmazlığı ilə əlaqədardır ki, bu da genetik meylliliklə bağlıdır.
Fimoz uşaq vaxtından qala bilər və ya erkən cinsi yetkinlik prosesində inkişaf edə bilər. Bu dövrdə tənasül üzvü ilə ucluğun inkişafı arasında bir uyğunsuzluq yarana bilər – ucluğun diametri başcıqdan kiçikdir və başcığı çıxartmaq çətindir və ya mümkün deyil.
Nəticədə fimoz balanitin (balanopostitin) səbəbi ola bilər – bu ucluğun və tənasül üzvü başcığının iltihabıdır. Əksi də doğrudur – balanit fimozun səbəbi ola bilər.
Simptomlar və gedişat
Fimoz onunla təhlükəlidir ki, ereksiyada tənasül üzvü başcığı böyüyür və ucluq tarım çəkilir. Bu zaman onda çatlar və mikroçatlar yaranırlar, adətən, kiçik ölçülərdə, qan axmır və heç bir narahatlıq yoxdur. Lakin sağaldıqca onların yerində kəsiklər və ya mikrokəsiklər qalır. Kəsiyin dərisi ucluğun dərisinə nisbətən az elastikdir. Ona görə də kəsiklərin yaranması ilə bərabər ucluq daha çox sıxılır və xəstəlik inkişaf edir.
Fimozun növbəti inkişafı ucluğun başcığa bitişməsinə apara bilər. Bu hal xüsusi diskomfort yaratmır, lakin başcığı çıxartmaq kəskin ağrı və qanaxma ilə nəticələnir.
Əgər sizdə fimozdursa, yadda saxlayın ki, cinsi əlaqə və ya masturbasiya zamanı ucluqla başcığın sıxılması baş verə bilər - parafimoz. Ucluq başcıqdan soyunduqdan sonra ilkin vəziyyətinə qayıda bilmir, başcığın sıxılması və nəticədə qan döranının pozulması baş verir. Bu çox xoşagəlməz hal tənasül üzvü başcığı dərisinin ölməsinə(nekroza) gətirə bilər və ona görə də parafimozda dərhal həkim-androloqa müraciyət etmək lazımdır.
Gigiyena qaydalarına kifayət qədər əməl etmədikdə başcığın bakterial və ya viruslu iltihabı (balanit) baş verə bilər. Bu ona görə baş verir ki, tənasül üzvünə yığılmış smeqma asan iltihab olunur. Ona görə də əgər fimoz halında bütün tənasül üzvünə yayılan, sidikburaxmada artan ağrı hiss edirsinizsə, ucluğun deşiyindən çirk axaraq daxildə və xaricdə qabıqlanma əmələ gətirirsə, artıq parafimoz başlanmışdır və siz dərhal həkim-androloqa müraciət etməlisiniz. Bu prosesi uzatmaqla tənasül üzvü xərçəngi qazanmaq risqini artırısınız, çünki çirklənmiş smeqma xərçəng yaradan karsinogen faktordur.
Balanitlə xəstələnmə ehtimalı şəkər diabetində artır, çünki sidikdə şəkərin artması bakteriyaların inkişafına səbəb olur.
Müalicə
Əgər sizdə fimoz varsa, ağırlaşmaları gözləmədən həkim-androloqa müraciət edin. Fimozun əsas və yeganə müalicəsi sünnətdir (sirkumsiziya) – ucluğun bir hissəsinin və ya tamamilə götürülməsi. Əvvəllər fimozun müalicəsi üçün hormonal dərman terapiyasından istifadə olunurdu, lakin təcrübə göstərdi ki, bu xüsusi effekt vermir.
|
|
|
