Yaponiya alimləri qrip xəstəliyinin diaqnozunun daha sürətlə müəyyən edilməsinin yeni üsulunu tapıblar. Yeni üsul hazırda klinikalarda tətbiq olunan adi analizlərlə müqayisədə diaqnozu 10 dəfə tez təyin etməyə imkan verir.

Dövlətin dəstəyi ilə tədqiqatlar aparan Riken Elmi Tədqiqatlar İnstitutunun alimləri DNK həlqəsini H1N1 qripinin virusuna tətbiq etməklə, bu üsulu işləyib hazırlayıblar.

Mütəxəssislər bildiriblər ki, yeni üsul hər hansı qripi müəyyən etmək üçün tətbiq edilən adi metodlara nisbətən 100 dəfə həssasdır.

Əfqanıstanda ilk uşağını dünyaya gətirmək üçün gedən qadın 6 uşaq dünyaya gətirib.

Türkiyə mətbuatının verdiyi xəbərə görə, körpələrdən 3-ü qız, 3-ü isə oğlandır. Birdən artıq uşağı olacağını bilməyən qadının eyni gündə 6 uşaq anası olması hər kəsə bir möcüzə təsiri bağışlayıb. Həkimlər isə dünyada təbii yolla, yəni hər hansı müalicə görmədən 6 uşaq doğmağın nadir hadisə olduğunu söyləyiblər.

Xəstəxanadan körpələrin yaxşı olduğunu, ancaq çəkilərinin 700 qram ağırlığında olduğunu xəbər veriblər.

"The Daily Mail" bildirir ki, İngiltərənin Yorkşir şəhərində yaşayan Ceyms Fildsend oxuduğu liseydə tədris olunan sağlamlıq dərslərində sürəkli olaraq "pəhriz saxlamaq bədənə xeyirdir", "arıqlayın" və s. bu kimi təlqinlərin nəticəsində ciddi şəkildə pəhriz tutmağa başlayıb.

Bir qədər sonra isə Fildsend ailəsi Ceymsin çox qısa zamanda arıqlayaraq çəkisinin 30 kq-dan da az olmasından qorxuya düşüblər.

Kofedən gündəlik istifadə 2-ci tip şəkərli diabetin yaranması riskini azaldır. Minnesota Universitetinin alimləri bu nəticəyə gəliblər.

Bunun üçün onlar 11 il ərzində müşahidə altında olan 28 min insanın məlumatlarını tədqiq ediblər.
Təcrübədə iştirak edənlərdən 1418 nəfəri 11 il ərzində adıçəkilən xəstəliyə tutulublar.

Bu xəstəlik əsasən orta yaş dövründən sonra və orqanizmin insulin hormonuna həssaslığının azalması nəticəsində yaranır.

Boliviya sakinin qarın boşluğundan 16 ildir gəzdirdiyi tibbi alət çıxarılıb.

Qayçı Koçabamba şəhərində əməliyyat edilən həkim tərəfindən yaddan çıxıbmış.

Zərərçəkmişin vəkilinin sözlərinə görə, boliviyalı qadın əvvəllər heç nə bilməyib:

Qırmızı rəngli qablarda qidalanmaq arıqlamağa səbəb olur.

Medvesti.com saytının verdiyi məlumata görə, alman və isveçrə alimlərinin araşdırmaları bu qənaətə gəlməyə əsas verib.
Alimlər hesab edir ki, qırmızı rəngli qablarda qidalanan insanlar 40% az qida qəbul edir.

Alimlərin fikrincə, qırmızı rəng insanlarda təhlükəlilik ideyası assosiasiayası yaradır. Təcrübə qırmızı fincanda çay içən tələbələr üzərində aparılıb.

"Daily Mail" bildirir ki, Şərqi İngiltərə Universitetinin alimlərinin apardıqları tədqiqatlar nəticəsində maraqlı nəticələr əldə olunub.

Kişilərlə müqayisədə qadınlarda ayaq ağrıları 4 dəfə çox olur. Üstəlik, saatlarla dikdaban ayaqqabıda olan qadınlarda yastıpəncəlik xəstəliyinin yaranmasının əsas səbəbi ayaqlardakı vətərlərin zəifləməsidir.

Vətərləri zəiflədən orqanizmdə protein və enzim miqdarının azalmasıdır.

Dəm qazından zəhərlənməmək üçün evlərdə təhlükəli qaz sobalarından istifadə etməmək, qaz kolonkası yanarkən uşağı uzun müddət hamam otağında tək qoymamaq və s. bu kimi qoruyucu tədbirlər yerinə yetirilməlidir!

Bəs dəm qazı ilə zəhərlənməni necə müəyyən etmək olar? Dəm qazı ilə yüngül zəhərlənmə zamanı zərərçəkəndə başgicəllənmə, baş ağrısı, quru öskürək, ürəkbulanma, qusma kimi əlamətlər meydana çıxır. Daha ağır zəhərlənmə zamanı isə qıcolmalar, huşun uzun müddət itirilməsi, beyin ödemi, ürəyin zədələnməsi baş verir.
Yadda saxlamaq lazımdır ki, kiçik yaşlı uşaqlar az miqdarda dəm qazından hətta həyatlarını itirə bilərlər!

Türkiyədə xınanın daha bir faydası üzə çıxarılıb. Türkiyə mətbuatının verdiyi məlumata görə, Qaziantəp Universitetində əsrlərdir istifadə edilən xınanın xərçəngə qarşı təsiri araşdırılıb. Siçanlar üzərində aparılan araşdırma nəticəsində, xınanın şişin inkişafını ləngitdiyi, xəstəliyə qarşı mübarizədə önəmli olan maddələri artırdığı bəlli olub.

60 gəmiriciyə fərqli dozalarda 10 gün müddətində ağız yolu ilə xına verilib. 10 günün sonunda siçanlar üzərində müxtəlif xərçəng parametrləri araşdırılıb. Nəticədə "Ehrich Ascite Corcinama" şişinin böyüməsinin dayandığı bəlli olub.

Alimlər qəbul edilən spirtli içkinin həcmindən asılı olmayaraq, ayıq qalmağa, adətən bərk sərxoşluqdan sonra yaranan süstləşməni neytrallaşdırmağa və alkoqol asılılığından xilasa imkan verən birləşmə tapıblar.

Bu barədə "Science" jurnalı məqalə dərc edib. Tədqiqatçılar diqqəti Çində bitən konfet ağacının (Hovenia dulcis) cövhərinin tərkibinə cəmləşdiriblər. Heyvanlar üzərində aparılan tədqiqat zamanı məlum olub ki, həmin birləşmə qanda alkoqolun qatılığına baxmayaraq, beyni zəhərlənmədən qoruyur.

Pomidor 2012-ci ilin ən faydalı qidası seçilib.

Bunu uzun müddətli araşdırmalardan sonra amerikalı alimlər müəyyən ediblər. Xarici mətbuatın verdiyi məlumata görə, siyahıya tərkibində daha çox antioksidant olan pomidorlar liderlik edir.

Tərkibində qlükoza, fruktoza, yod, marqanez, sink, natrium, A, B, B2, B6, K, PP, E vitaminləri olan tomat sousları insana güc verir və orqanizmin saat kimi işləməsinə kömək edir.

Bu barədə "The Daily Mail" xəbər verir.
Son tədqiqatlar göstərib ki, çox sürətli olmayan qaçış əslində orqanizm üçün daha az yorucudur və əzələlər üçün sürətli yerimədən daha çox faydalıdır.

İş burasındadır ki, təxminən saniyədə iki metr sürətində qaçış baldır əzələlərinin daha effektiv yığılmasına imkan verir. Nəticədə dözümlülük artır.
Bu, qaçış yolunda gedən və qaçan adamların əzələlərinin ultrasəs skan edilməsi zamanı sübut olunub.